النفس لقمه والمنايا خواطيف

[سعود القت]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تنشد ماعليّه تخاليف = ولنته مداوي مقلتي من رمدها
عايش بغفله في علوم وسواليف = وانا لياليّه توالي هددها
أفز للمعروف وافز للضيف = واثني الجميله لو عميلي جحدها
واقدّر اللي له عليّه معاريف = وربعي خطيتهم تموت بمهدها
واثني بوقت اللازمه والمواقيف = ولحدٍ ذكر في قمةٍ ما صعدها
ودنياي عيّت لا تجيلي على الكيف = باحت خفاي الله يبيد جهدها
لو جيت اوصفها عديمة تواصيف = المسعد اللي ما يجي في نصدها
تغنج وخلق الله عليها مشاعيف = تمدهم بحبالها وتعقدها
دايم مخالبها حدادٍ مهاديف = وان مست الاطناب تثبت وتدها
والنفس لقمه والمنايا خواطيف = ومن هاب له من غبةٍ ما وردها
ويالله في نوٍ قنوفه مراديف = براقها يلمع ويرزم رعدها
تاخذ ثمان ايام سحبه مقانيف = حقوق وسميه بحيلك مددها
غثو المسايل بالشجر كنه الليف = ديموم سبلٍ مختلط مع بردها
منه المحاجر والخباري مذاريف = وامزونها تردم ويكثر لبدها
لين ام سالم به تجر الغطاريف = وتنسابه النفس الشقيه نكدها
وبعد اسبوع يفع نبت الشفاشيف = وتسمن به العرا وتطنخ ولدها
ولاعد تجيب البدو طار المعاليف = يا ونسها يا فرحها يا سعدها
تتبع هوى شقح البكار المشاعيف = بدوٍ ومفتاح الجمايل بيدها
والعمر عدٍ والليالي مغاريف = والنفس ما يشبعها الا لحدها[/poem]

[تاجي عتيبه]

صح لسانك سعود قصيده رائعه

[من عتبان الكويت]

والنفس لقمه والمنايا خواطيـف
ومن هاب له من غبةٍ ما وردهـا


للة درك واللة اني اشفق على جديدك دايم لاهنت وصح لسانك

[زبن القاضي]

سعود القت


صح السااااااااااااااااااااانك لين ترضى


ولله درك


ابداع ليس غريب على اهل الابداع

[عبدالله المرشدي]

سعود القت


صح لساااانك


وعلى شانك


جزل جزل


وننتظر منك المزيد

تقديري

[ابن مسلم]

سعود القت


صح السااااااااااااااااااااانك لين ترضى


ولله درك

[عــمـــر]

[align=center]أأبــــدعت يا سعـــود

لله درك

صــح السانك و صح السانك مليووون

ولا فيك حيله



تحياتي[/align]

[الذويبي العتيبي]

[align=center]

أفـز للمعـروف وافـز للضيـف واثني الجميله لو عميلي جحدهـا واقدّر اللي لـه عليّـه معاريـف وربعي خطيتهم تمـوت بمهدهـا

صح السان وانا اخوك ياسعود

قصيده رائعه

لك الشكر والتقدير ولاهنت

يالنشمي[/align]