النفس لقمه والمنايا خواطيف
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تنشد ماعليّه تخاليف = ولنته مداوي مقلتي من رمدها
عايش بغفله في علوم وسواليف = وانا لياليّه توالي هددها
أفز للمعروف وافز للضيف = واثني الجميله لو عميلي جحدها
واقدّر اللي له عليّه معاريف = وربعي خطيتهم تموت بمهدها
واثني بوقت اللازمه والمواقيف = ولحدٍ ذكر في قمةٍ ما صعدها
ودنياي عيّت لا تجيلي على الكيف = باحت خفاي الله يبيد جهدها
لو جيت اوصفها عديمة تواصيف = المسعد اللي ما يجي في نصدها
تغنج وخلق الله عليها مشاعيف = تمدهم بحبالها وتعقدها
دايم مخالبها حدادٍ مهاديف = وان مست الاطناب تثبت وتدها
والنفس لقمه والمنايا خواطيف = ومن هاب له من غبةٍ ما وردها
ويالله في نوٍ قنوفه مراديف = براقها يلمع ويرزم رعدها
تاخذ ثمان ايام سحبه مقانيف = حقوق وسميه بحيلك مددها
غثو المسايل بالشجر كنه الليف = ديموم سبلٍ مختلط مع بردها
منه المحاجر والخباري مذاريف = وامزونها تردم ويكثر لبدها
لين ام سالم به تجر الغطاريف = وتنسابه النفس الشقيه نكدها
وبعد اسبوع يفع نبت الشفاشيف = وتسمن به العرا وتطنخ ولدها
ولاعد تجيب البدو طار المعاليف = يا ونسها يا فرحها يا سعدها
تتبع هوى شقح البكار المشاعيف = بدوٍ ومفتاح الجمايل بيدها
والعمر عدٍ والليالي مغاريف = والنفس ما يشبعها الا لحدها[/poem]

صح لسانك سعود قصيده رائعه

والنفس لقمه والمنايا خواطيـف
ومن هاب له من غبةٍ ما وردهـا


للة درك واللة اني اشفق على جديدك دايم لاهنت وصح لسانك

سعود القت


صح السااااااااااااااااااااانك لين ترضى


ولله درك


ابداع ليس غريب على اهل الابداع

سعود القت


صح لساااانك


وعلى شانك


جزل جزل


وننتظر منك المزيد

تقديري

سعود القت


صح السااااااااااااااااااااانك لين ترضى


ولله درك

[align=center]أأبــــدعت يا سعـــود

لله درك

صــح السانك و صح السانك مليووون

ولا فيك حيله



تحياتي[/align]

[align=center][quote]أفـز للمعـروف وافـز للضيـف
واثني الجميله لو عميلي جحدهـا
واقدّر اللي لـه عليّـه معاريـف
وربعي خطيتهم تمـوت بمهدهـا [/quote]

صح السان وانا اخوك ياسعود

قصيده رائعه

لك الشكر والتقدير ولاهنت

يالنشمي[/align]