الاخت النعامه قصيده جميله وخاصه البيتين الاولين من القصيده وهذه تدل على شاعرية حمد المري وتمكنه وايضا اعجبتني قصيدته عندما يفخر بنفسه وهذه القصيده يقول فيها"""
مانـي مـن ياتـي ولا يدرابـه
شطراً حفظتـه ماعـرف كتابـه
شطـراً يناسبنـي لمثـل الليلـه
وأشوفني في ذا المكـان أولابـه
أبـتـكـل بالله ونــعــمٍ بالله
اللي مايوصـد دون خلقـه بابـه
باقـول واللجنـه تقيـم قـولـي
ومن كثـرة الشعـار مانـي ابـه
الحمـد لله واثـقٍ مـن روحـي
وان كنت ذيبٍ فاالرجـال ذيابـه
ماأقول أنا أشعـر واحـدٍ فالدنيـا
لكن قصيدي كفو وأنـا أدرى بـه
والشعـر جمعنـا لـو تفرقـنـا
حدودنـا وظروفـنـا الغـلابـه
الله يبيض وجـه راعـي الفكـره
عزالله أنهـا تنحسـب لحسابـه
والله يبيض وجـه مـن يرعاهـا
محمـد الله يحفـظـه لحبـابـه
محمد ولد زايـد عريـب المجنـا
ولـي عهـد الديـره الخـلابـه
الشعر تاريـخٍ لنـا مـن مبطـي
واعلامنـا يـوم السنيـن نهابـه
الشعـر بيـتٍ والـوزن عمدانـه
معنـاه طنـب وقافيتـه حجابـه
والشعر وادي فيـه صيـد واجـد
وكلٍ على الـوادي يهـج ركابـه
الأفكار صيد وكل شاعـر قانـص
وكـلٍ يدسـم شاربـه مخـلابـه
أحدٍ خيالـه حـر واحـدٍ وكـري
واحـدٍ خيالـه كوبـج بقطـابـه
وأنـا خيالـي كــل ماهديـتـه
حول على الوادي وصـاد عقابـه
شاركت أمثـل ديرتـي وربوعـي
وكـلٍ يمثـل ديرتـه واقـرابـه
والله إلا الله راد والله قــالــه
إنـي لاسلمهـا الفخـر واكتابـه
داري قطـر وأنـا هنـا أمثلهـا
المجـد مطلوبـي وأنـا طلابـه
عهـدٍ علـى إنــي لاأشرفـهـا
تـرك صبـيٍ مايـعـز تـرابـه
شوفوا دمي مـن حبهـا عنابـي
وحماستي مـن ضوهـا شبابـه
شاعر خليجـي والعروبـه بيتـي
والبيت ماياقـف بـدون أطنابـه
وان عودة بيـن القبايـل فزعـه
أنشهـداً لـي فاللـوازم لابــه
لـي فالقبايـل ربـع واقـدرهـم
ماني بمن يجهل مقـام أصحابـه
وان عودة لاصلي فاأنا أصلي مري
من صلب يام أهل القنا وخضابـه
قومٍ لنـا فـوق المعالـي بيـرق
والسيف قـوة سلتـه بانصابـه
الشعـر طوقنـي وانـا طوقتـه
قمـت أتمشابـه وافـك أبوابـه
يابنت ياللـي تفرقيـن بعـودش
ماألومهـم لـو كثـرو الخطابـه
لامر بش دربش علـى خلـق الله
قولـي كـذا باالأصبـع السبابـه
زينش يزينه فعل ابيش وجـدش
وانتـي بـدورش للنقـا كسابـه
قومي تباهيبـي وفلـي راسـش
عليش من ستر الشـرف جلبابـه
وان ماسترتش بالفعول وباسمـي
فعقبنـي الفنـجـال ياصبـابـه
| 
|
03-21-2007, 09:59 PM
المواضيع المتشابهه
العرض الشجري