ياقلبي لاتشاورنـــــــــي

[فهد بن فهم]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقلبي لاتشاورني الى منك بغيت إتطير"="توكل والسحاب اللي تعلا عانق إمزونه

توكل وإعقد النيه وخل اللي يصير يصير"="ترى من هاب في حبه هلك ماشاف مضنونه

ياقلبي هات وأشبعني غلا لاتسمع التحذير"="دخيلك لاتطاوعهم وتسمع مايقولونه

ترى ماعاد يمديني انا واياك والتأخير"="يفوّت فرصةٍ لاحت لنا بالستر مأمونه

تعلّق في غلا هذي بوادرها بوادر خير"="أبوها شيخ وسنافي وهي فلوه ومزيونه

ولكن لاتوهقها وعلمها مع التفسير"="بشرطٍ بس للتذكير أعيد اليوم مضمونه

أبيها عاقله لكن مشاعرها ابيها غير"="ابيها في مشاعرها تحب بعقل مجنونه

تولعني وتشقيني تحاسبني عليّ إتغير"="تمارس فيك ياقلبي عذاب الحب وفنونه

كذا يعني تجنني ولع ماتقبل التبرير"="وعساك انته وشريانك فدى للرمش وعيونه

إذا ما للغلا جرحٍ نزف يبقى بلا تأثير"="يموت وموتته حسره وخابوا من يعزونه

يموت الحب لا صارت جروحه ترفض التطوير"="نعم يصبح بلا معنى وخلانه يخلونه

وإذا جرحه دمى وأجزل يعيش اللي يحب أمير"="أنا اشهد ياكبر حظه ياكثر اللي يحسدونه

يبي يبطي وهو عاشق ولو وافق على التغيير"="يوافق بس لاجدد زمانه مرمس إطعونه

ياقلبي لاتشاورني ولكن منهج التغرير"="ترى ماهوب منهاجي وانا اول من يعادونه

تصـرّف صح واشبعني غلاً مالوّثه تزوير"="وانا واياك موعدنا سحابٍ تمطر إمزونه[/poem]

[جراح العتيبي]

فهد



تعجبني دائما


قصائدك الرائعه


والحقيقه اجد متعه كبيره في قرائتها


والقصيد الذي يمتع القارىء قبل ان يمتع المستمع


هو الشعر الحقيقي

[نوف]

[align=center][grade="00008B FF6347 008000 4B0082"]
اخوي فهد قـصـيده جميله جـداً جـداً

وتلامس الوجــدان .. أتت من شـاعـر متمكن

فى بحـور الشــعـر .. ولـه باع طـويل فى هـذا

المجــال .. أبهــرنى وصفك الـدقيق ومـفـرداتك

التى أخــترتـها بعــنايه فــائقـه .. الله يعطيك العافيه


دمت ودام وجودك[/grade]

[/align]

[فهد بن فهم]

اخوي جراح

هلا وغلا

اسعدني تواجدك الجميل وحضورك الرائع

شكرا لك ولكل كلمه سطرتها هنا

لاهنت

[فهد بن فهم]

اخيتي نوفه

هلا وغلا

شكرا لك

انرتي متصفحي وانا اخوك

شكرا لتواجدك وعاطر كلامك

لاهنتي

[اخو من طاع الله]

صح لسانك على الابيات الررااائعه

الله يعطيك العافيه

[(( بنت برقا ))]

قصيده اكثر من رائعه

اخوي صح


الله لسانك

[فهد بن فهم]

هلا عبدالله

اسعدني مرورك

الرائع تشريفك

شكرا لك

[فهد بن فهم]

بنت برقا

هلا والله وغلا يابنت عمي

شكرا لك ولحضورك الرائع

لاهنتي

[فيصل المسعودي]

فعلاً رائعه


بلا مجامله


صح لسانك


تحياتي