لغز خفيف وطريف ( محلول من ابن ثعلي )

[{ أبوفيصل }]

السلام عليكم ورحمة الله وبركاته


[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
أنشدك عن رجّال ماينتواجه =أقشر وشرسٍ لانصيته وكشَّر
ان جيت وجه ال وجه صعب المواجه =والشر لامن جيت في وجه الاقشر
اللي تخارج منه يبغاَ خراجه =ياطا على علباه ويسلم من الشر
[/poem]



















.

[همس النسيم]

وعليكم السلام ورحمة الله وبركاته
صح لسانك يابو فيصل
وش قولك بالثعبان وأنواعه

[{ أبوفيصل }]

صح بدنكم ياهمس حياك

الرمعه ماصابت

[إبن ثعلي]

هذا يابو فيصل الحاجز ذو السنون والله ما اعرف اسمه
يوضح على بعض البوابات لمنع الدخول منها واذا جيته
من الأمام يفقع الكفر واذا جيته من الخلف تمر بسلام والعلم
عند الله

[{ أبوفيصل }]

المشاركة الأصلية كتبت بواسطة إبن ثعلي هذا يابو فيصل الحاجز ذو السنون والله ما اعرف اسمه يوضح على بعض البوابات لمنع الدخول منها واذا جيته من الأمام يفقع الكفر واذا جيته من الخلف تمر بسلام والعلم عند الله

الحل صحيح صح فكرك يابوعبدالرحمن

( الحاجز الشوكي )

احد يسميه المسنن واحد يسميه فك التمساح