الا يارفيع الشان يالرازق المعبود

[عيد بن شده]

الا يارفيع الشان يالرازق المعبود
تعين الرفيق اللي همومه مقزيته

رفيقي طواه الود والود مابه فود
بعد مابلغ خمسين كثرت تناهيته

تهيض وغنا يوم شاف العيون السود
وردفن يشيل الثوب لوكان مضفيته

وعنقن مثل عنق المها مع بياض خدود
وتفاصيل جسم(ن) كامل الوصف زاهيته

تبختر كما شقحا شعاها هجيج الذود
شعاها هجيج البوش والصوت هاويته

ندبها راعي القعده وسجت عن المفرود
على صوت راعيها ولدها مخليته

شعت قلب ابو ثايب وجاوب هبوب النود
وتذكر هنوف بأول العمر مغليته

يجر الونين اليا ذكر ضافي المرجود
فتات(ن) صغيرة سن والقرن ثاعيته

برت حاله اللي ماتلاها النما والرود
ولادوجت بالسوق والبيت ناسيته


عيد بن بجاد المرشدي

[عبدالعزيز بن حشيان]

بن شده


صح لسانك يالقرم والله لايخلينا من ابداعك الرائع

[عيد بن شده]

الاخ بن حشيان لاهنت وصح بدنك

[جهز الهرس]

صح لسانك يابن شده
والله يعين رفيقك
قصيده ممتازه بيض الله وجهك
ولاتنسانا من ابداعك

[عيد بن شده]

الهرس جهز حياك الله في متصفحي
وصح بدنك

[إبن ثعلي]

صح السانك يا اخ عيد لكن وين انت رايح بعد الخمسين

[عيد بن شده]

المشاركة الأصلية كتبت بواسطة إبن ثعلي صح السانك يا اخ عيد لكن وين انت رايح بعد الخمسين

انا اسبح بحور الشعر والعمر عشر وست
هوايه يابن ثعلي اليا جاز لي مبداه

صح بدنك يابن ثعلي