لغز متعوب عليه ( محلول من عامر الروقي ) صح لسانه

[{ أبوفيصل }]

السلام عليكم ورحمة الله وبركاته


ياويش رجلٍ له وصوف وعلامات
تـرتـاح لـوجـوده وتـامــن جـنـابـه

له عيـن ماطبّق بهـا جفن هيهـات
لـو مايشـوف بهـا وهي ماترا بــه

في وقتنـا مشهـود والعـام بالـذات
حطّـوه تحت العيـن قـدر ومهـابـه

[{ أبوفيصل }]

وين أهل الألغاز رياضي ومتحمس لمشاركاتكم

[جااابر]

صح لسانك يمكن اجهزة مراقبه (الكاميرات) او الانذار

[{ أبوفيصل }]

صح بدنك ياجااابر

ماااالك لوا

[جااابر]

ساهر

[{ أبوفيصل }]

المشاركة الأصلية كتبت بواسطة جااابر ساهر

ماااالك لوا
الرمعه طيبه لكن له شفره تحتاج من يكتشفها ويفكها
وبالمناسبه تراني غيّرت في شطر واحد فقط :)

[نهير بن رخيص]

وشرايك يالعطاوي بصراف الآله والعين هي كامرة التصوير التي في صراف الفلوس0

[عامر الروقي]

صح لسانك يابوفيصل
جاري التفكير

[{ أبوفيصل }]

المشاركة الأصلية كتبت بواسطة نهير بن رخيص وشرايك يالعطاوي بصراف الآله والعين هي كامرة التصوير التي في صراف الفلوس0

حياك الله يانهير بن رخيص

ماااالك لوا

[{ أبوفيصل }]

المشاركة الأصلية كتبت بواسطة عامر الروقي صح لسانك يابوفيصل جاري التفكير

صح بدنك يابوناجي

وجاااري الأنتظاار