ياابوي,,,, موجهه الى والدي يحفظه الله

[سطام بن فهيد]

السلام عليكم ورحمة الله وبركاته

شهر مبارك وكل عام وانتم بخير

هذه القصيده موجهها الى والدي امير قبيلة الشيابين وامير الفوج الثامن بالحرس الوطني الامير سلطان بن ماجد بن فهيد الله يحفظه

وان شاء الله تنال على اعجابكم بها ......

وكذالك اسف على قلة دخولي الى المنتدى بسبب انشغالي في الحياه ومشاكلها



يا حزامي ودرعي يا أمير الشيابين ‍=مافيه غيرك واحدن جيت أبا أنخاه

مدام لك في كل عليا عناوين =أنصاك وأفخر بك ولابه مرواه
‍
يأبوي تشهد لك جميع الميادين ‍=ويشهد لك أهل الجود والعز والجاه

لفعولك بصفحات الأمجاد تدوين ‍=وطيبك ترى ما فيه واحد تعداه


أنته من اللي فاللوازم جديرين=ويروضون الصعب والسهل يغشاه
‍
وأنا أنتخي بك يا سليل السلاطين ‍=تفزع معي وتحقق اللي طلبناه

جاهيةٍ لمطير حسب القوانين =أبا أتزوج وألحق العمر ومناه
‍
عمري وصل لحدود ست وثلاثين ‍=وعلى سنين العمر يابوي عزاه

راحت ولا شفنا للاحلام تثمين =والقلب هم الوقت يابوي يشلاه
‍
هيا معي وأجمع على الدين قلبين ‍=ومعروفك الغالي حشى ماني أنساه

أنا حزامك حزة العسر واللين=وأنت الذي في كل راي أتنصاه
‍
وترى السنين أتدور من خلفها سنين =أحدن يجي وأحدن سمعنا بفرقاه
‍
متى أبوي أشوف في ناظر العين ‍=عيالي وكلن على الطيب ممشاه

تكفا وتكفا .. ثم تكفا ملايين =‍أفزع معي في تالي العلم وأقصاه

مدامنا في رحلة العمر ماشين ‍=مأنسى الجميل اللي كبيره مزاياه

أبا أحفظه وأبا أكتبه بين قوسين ‍=يا تاج راسي مالك أنداد وأشباه



شعر سطام بن سلطان بن ماجد بن فهيد

[وجودك يكفي]

عليكم السلام ورحمة الله وبركاته

الله يحقق لك ماتريد ويحفظ الامير سلطان بن ماجد

صح لسانك ياسطام


احترامي

[تباريح الروقي]

الله يسهل امرك,, وصح لسانك. يستاهل الوالد


تحياتي.,؛

[اصايل]

صح لسانك اخوي

لاهنت

[رائد المرشدي]

صح لسانك يابن مشيب والله ونعم فيك وفي الشيخ سلطان ابن فهيد

أنتم اهل الاوله حاظر وماضي يابني عمنا الغالين

وان شاء الله يتحقق لك الزواج واشهد بالله انك عنزت على رجال كفوو مطير

يقول الشاعر عبدالله المرشدي

وان طعتني ناسب المطران = تلقابها انمور وذيابه

الى ان قال

قبيلة مطير والعتبان = بالقول والفعل تتشابه

[سطام بن فهيد]

صحت ابدانكم
ونعم بحالكم

ولا خلا ولا عدم

الله يعطيكم العافيه على هذه الردود

تحيتي