تركت الشعر واباترك مـجاله
..........................بعد شيبت انا مالي ومـاله
تركته معط ٍ الفرصه لغـيري
......................... وانا ماني بمعلن لعـتزاله
ابارجعله ليا قامت هجوسي
.......................على صدري طراله ماطـراله
ترى الشاعرليا منه تهيض
.............................يعبركل مايطري ابـباله
ولاكل شاعر ٍ يسْمع ْ قصيده
....................... يدلك من ردى شعره هباله
ترى الاجسام وحده ماتغير
.....................احد خايب واحد تكرم اسباله
يعرفون العرب فعله وطيبه
.....................شجيع ٍ ينطح السربه الحـاله
وترى ألأخـر شجيع ٍ بالعوافي
.....................وعند الفعل يجفل من ضلاله
ضعيف ٍ ما قدر حمله يشيله
.......................ورجل ٍ يبرك لحمله وشاله
وابه رجال يسوا له قبيله
.......................وابه رجال ما يسوا نعـاله
احد تذ بحله لياجاك حاشي
......................واحد قدره على قد الـبـيا له
واحد تفرح لياجاك بمجيه
.....................واحد اقـفايه اغلا من اقـباله
واحد قهوه ولاتاخذ علومه
.............................ولأتسل ولاتقبل سواله
يجي ويروح خله كا البهيمه
......................... بليا قدرعطه من الحـثاله
كمال الرجل من عقله ودينه
...........................ولاينقص بقدره قل مـاله
ياكم من تاجر ٍ محصى رصيده
.......................ولا هو مستفيد ٍ من حـلاله
هذ وجنسه عسى مايكثروني
........................بخيل ٍ ماقدر يطلع اريـاله
وانا ماعم واهل الخير واجد
......................وكل ٍ دون وجهه ستر حاله
ياكم من خيِرن يجمع وينفق
.........................ولاتعلم يمينه عن شماله
كريم ٍ ياخذ الجزله ويعطي
...............ليا خطا اللاش من كسب الجماله
ولابه كاملين الكامل الله
................. قصير الهرج يكفي عن طـواله
وختام القيل صلى الله وسلم
..................على من خصه الله با الرساله
جهـزمسيمير الهرس
| 
|
05-16-2012, 10:24 AM
العرض العادي
