الحـقـيـقـه

[عبدالعزيـز الحـربي]

السلام عليكم ورحمة الله وبركاته ...





يسرني أن اقدم لكم هذه القصيدة التي تتحدث عن نفسها كما يقال , آمل أن تحوز على رضاكم :




[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كلٍٍٍّ يقول انّه يحبّ الحقيقه=لو الحقيقه ماطرتله على بال
وكلٍٍّ يقول انّه صديق لصديقه=لو الصداقه بينهم شرطها المال
وكلٍٍّ يقول ان الردا مايطيقه=لو الردا عنده يغطّيله جبال
وكلٍٍّ يقول انّه يميّز طريقه=لو بينه وبينه ملايين الاميال
وكلٍٍّ يقول انّه يطفّي حريقه=لو كان يشعلها على نفسه اشعال
وكلٍٍّ يقول ان المصادر وثيقه=اللي خذا منها عناوين وامثال
لو المصادر بالدعايه غريقه=يقول جاك العلم من عند رجّال
وكلٍٍّ يقول ان المهادي شقيقه=بالصبر والقوّه على كل الاحوال
وكلٍٍّ حسب رايه ما شيٍٍّ يعيقه=لو الاعاقه معه في كل منزال
بس الحقيقه لابغيت الحقيقه=الحكم بالافعال ماهو بالاقوال
[/poem]


.

[اصايل]

انشهد بالافعال

صح لسانك مدد

رائعه

لاهنت اخوي ..

[{ أبوفيصل }]

عليكم السلام ورحمة الله وبركاااته



الأخ عبد العزيز صح لسانك واعتلا شانك أبيات رائعه بكل ماتعنيه الكلمه

سعدنا بتواجدك بيننا يااخ عبدالعزيز وياهلا وغلا

تقبل تحياتي

[رايـق]

عبد العزيز الحربي

صح لسانك ..

الجزل مايجيب الا جزل

[الأدميرال]

عبدالعزيز الحربي صح السانك وعلا شانك ولاهنت
تحياتي

[الصهد]

بــس الحقيـقـه لابـغـيـت الحقـيـقه
الحـكـم بالافـعـال مـاهـو بـالاقــوال

ياسلام ياسلام
وعليكم السلام ورحمة الله وبركاته
صح لسانك ياعبدالعزيز وبيض الله وجهك
وفيت وكفيت جزله يالجزل
دمت بخير

[وجودك يكفي]

عليكم السلام ورحمة الله وبركاته


حياك الله يابوسعد وسعداء بتواجدك في منتدى عتيبه ولنا الشرف طال عمرك


صح لسانك على الابيات والقصيده الوافيه والجزله



احترامي

[رغدالشيباني]

عبدالعزيز الحربي

صح السانك ملايين

وياهلا بك في منتدى عتيبه

نص شعري عالي الجوده

بأنتضار القادم بشغف

[عبدالعزيـز الحـربي]

المشاركة الأصلية كتبت بواسطة اصايل انشهد بالافعال صح لسانك مدد رائعه لاهنت اخوي ..

صــــــــح بدنك أختي



شكراً على مرورك وتعليقك

[عبدالعزيـز الحـربي]

المشاركة الأصلية كتبت بواسطة العطـاااوي عليكم السلام ورحمة الله وبركاااته الأخ عبد العزيز صح لسانك واعتلا شانك أبيات رائعه بكل ماتعنيه الكلمه سعدنا بتواجدك بيننا يااخ عبدالعزيز وياهلا وغلا تقبل تحياتي

صـــــح بدنك أخي العطاوي





مشكور على مرورك الوافي لاهنت