.. [ دمعة ً , فـ الموق ، عيّت تشد إرحآلها ~ + شيلة .. ،

[وليد المقاطي]

،،

السلام عليكم ورحمه الله وبركآته
صباحكم / مسائكم بكل : خير .. ،
NEW

! [ كلام إخوآن ] !

،،

مدخل :-

ابواب الارزاق من( كثر الحسد)صَكّت
ونقّالة الهرج ،،، مافي ،، (بالها) ،، غيرك
ان عوّدت (للكلام) ، الناس ماتسكت
لوّك (مسالم ) ، وكافً شرّك وخيرك

//

لاتلوم اخوك لاسجّ باله ياطلال
الزمن دوّار واقلوبنا يرثالها

اه ياطلال ياحرّ دمعات الرجال
ماتجي بـ أدنى سبب والصراحه فالها

ضيقةً كنّيتها ثقلها ثقل الجبال
والعيون الساهره يرحم الله حالها

لابغيت ادّله النفس نادتني تعال
واحضنتني شوق بيمينها و اشمالها

وان بغيت اشرح لك الامر ماجالي مجال
عزةً في الموقف الحرج ، ما اطول بالها

والله إنّ اقسى الالم فـ الحقيقه والخيال
دمعتن ف الموق عيّت تشدّ ارحالها !

لايزال الجرح ينزف ، وحزني لا يزال
كان للصدمآت "مهره"! فـ أنا خيّالها

إنّ رجعنا مشكله ، وإنّ تقدّمنا مُحال
تكسر ايدينا مقاديرنا و اهوالها

رحت بنشد تاج راسي وناظرني وقال
كلمةً ياجعل ما افقد لسانً قالها

ما انته بكامل وانا ابوك لله الكمال
العبادة لاتحاول تفك إحبالها

برّ بـ /اثنينك ، وتجْـزأ ليآ جالك عيال
العرب ماتحترق غير لأجل اعيالها

فالعطايا والكرم خلّ مدّاتك جزال
الغنى فالنفس كبّ العرب و اموالها

والخفايف ماهي بشيء في متن الثقال
والجمل لامن برك للحمولة شالها

المراجل كايده ، ماتبي ناسً كسال
لو هرج ذيخ المجالس دهر ما نالها

يالله المعبود ثبّتني بـ يوم السؤال
يوم كل الناس تجزأ بحسب اعمالها

//

:: شيلة ::

هـُنا

او

هـُنا

مخرج :- ...

وصدورنا (( مالها حيله )) لو انتكّت
يا مهلن قرب ربّك ، وش معاذيرك ؟

دورات الايام كمّ من نآسها بكّت
ياصعب[تكبيرك] ويا سهل [تحقيرك]

وليد المقآطي

[» عبدالعزيز «]

,

وعليكم السلام ورحمة الله وبركاته
قصيدة راقت لي بالحيل بالحيل صح السانك
والله يعطيك العافية على الشيلة
و نوّرت الحاره يابوبندر :)

[وجودك يكفي]

قصيده في منتهى الروعه

صح لسانك مليون ياوليد وبيض الله وجهك على الجزاله والإبداع


احترامي

[اصايل]

المراجل كايده ، ماتبي ناسً كسال
لو هرج ذيخ المجالس دهر ما نالها

جزله ..

صح لسانك مليون

لاهنت ..

[مهـرة مـطير]

"
قصيده روعه يَ شاعرنا وليد

صح لسانك وأبدعت

[وليد المقاطي]

, وعليكم السلام ورحمة الله وبركاته قصيدة راقت لي بالحيل بالحيل صح السانك والله يعطيك العافية على الشيلة و نوّرت الحاره يابوبندر :)

حياك الله ابو العزّ
ماراق لك ، يكفيني : )
عافاك ربي ي غالي , والحاره منوّره بأهلها ,
عساي مآ إنحرم هالخشة قل امين : /

منور ي عزوتي

[وليد المقاطي]

قصيده في منتهى الروعه صح لسانك مليون ياوليد وبيض الله وجهك على الجزاله والإبداع احترامي

ي هلآوتيـ2ـن ,,
صح بدنك ي الامير , والروعه لاتكتمل الا بتواجدك ,,
لاعدمت هالاطلاله وراعيهـآ ,,

[وليد المقاطي]

المراجل كايده ، ماتبي ناسً كسال لو هرج ذيخ المجالس دهر ما نالها جزله .. صح لسانك مليون لاهنت ..

ارحبي ثم ارحبي ,
الجزاله منبعك ي بنت الاجواد ,,
صح بدنك والف مليون ترليون ع المرور ,,

[وليد المقاطي]

" قصيده روعه يَ شاعرنا وليد صح لسانك وأبدعت

حي الله بنت حمران النواظر
صح بدنك ي الاميرة ,
لاهنتِ ع المرور وجعلي ما افقده ,,



+


( )

/

لـ ارواحكم

[الخال]

قصيده في منتهى الروعه

صح لسانك مليون ياوليد وبيض الله وجهك على الجزاله والإبداع


تحياتي