بسم الله الرحمن الرحيم
السلام عليكم ورحمة الله وبركاته
من الأرشيف .. أقبلوها كما هي ..
.
.
[poem="font="simplified arabic,4,black,bold,normal" bkcolor="transparent" bkimage="./images/backgrounds/30.gif" border="inset,4,black" type=2 line=0 align=center use=ex num="0,black""]
كل هالدنيا مدارس وتبغى لاجتهاد = الحصص فيها عبر من جديد إلى جديد
والذكي من هو تعلم وجرب واستفاد = من دروس الوقت دايم يفيد و يستفيد
فيه ناسٍ ملت عيونها طول السهاد = من جروحن جايرة والزمن باسه شديد
وفيه ناسٍ ما تبالي بدرسٍ لو يعاد = ما تذاكر مهملة ما تضايق لو تعيد
وفيه ناسٍ ما هنت كل ليلة بالرقاد = تطلب العليا على ذروة المجد التليد
الدفاتر تنتظر في يدي لحظة بعاد =اكتفت من ( دور ثاني ) كثر ماني أعيد
في مدارس نورة العلم عندي حيل زاد = خذت لي درسٍ يبي يبري الجرح العنيد
طالعي دفتر حضورك غيابك فيه ساد = راعي الله في دوامك .. قريب ومن بعيد
لا تغيبي لجل شخصٍ طلب منك ابتعاد = والصداقة بيننا و المـلا فيهـا تشيـد
ذا كتابك باقيٍ في ضميري والفؤاد = كنت أظنك راجعة لو صدودك لي يزيد
كنت أدور عنًها روح روحي بجتهاد = كنت أقلب صفحة كتاب ماضينا وأعيد
حتى بالهامش تقصيت مير الله ما أراد = انطوت صفحة غلا الروح من جد وجديد
الصداقة بالصداقة هي العلم الوكاد = وانقطع حبل الصداقة هذا العلم الأكيد
ليه بدًلتِ المواصل بصدك والعناد ؟= يا خسارة عقب ما عانقت حبل الوريد
كان رمزاً للوفا والمعزة والوداد = بيني وبينك كما الدر والعقد الفريد
وامتزج ما بين قلبين ما فيها سواد = هي رصيد اللي من الوقت ما عنده رصيد
انتهت كل الحصص والألم فالقلب زاد = وسطرت كل المشاعر بنفحات القصيد
كل شي ٍ أحترق مابقى غير الرماد =بعثريها لو بغيتي بقلبٍ من حديد[/poem]
.
.
للجميع أطيب التحايا ..
| 
|
03-29-2012, 11:51 PM
العرض العادي
