ازهمو عبدالعزيز اِنكان يرْأَس مؤتمر !!

[{ أبوفيصل }]

السلام عليكم ،، مساء الخير يا بوفرج تعال العب الله لايهينك

[poem=font="Traditional Arabic,6,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ازهمو عبدالعزيز اِنكان يرْأَس مؤتمر =كيف ماصدّر قراره للي غاب وْلا حضر
دام له وجهة نظر وشلون ماعاد النظر =الله الوالي ولا غير الله الوالي ولي
[/poem]




يامدير الحجر فوق الحجر ** يافــرَ الحب ونطحـن حبّته
من يقول أنا مامثلي بشـر ** نلْـزمـــه للحــق بــ لحـيّته


:)

[وجودك يكفي]

الله الله صح لسانك ياخليجي وصح لسان عبدالعزيز مقدماً


ازهلوا الصفوف

[{ أبوفيصل }]

^^^

هلا بمدرب الصفوف صح بدنك
الصف الصف لاعدمتك ياوجودك


:)

[عبدالعزيز الفرج]

هلا هلا وغلا ياخليجي

المعذرة ع التأخير مير مثلك عارف الاختبارات ع الابواب


[poem=font="Traditional Arabic,6,red,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
ياخليجي اقنب وخل العرب تسمع عواك = وإن نخيت العازمي فاللازمة يوقف معاك
ما عدا وقت اختبار الصيدلة ، فـ ازحف وراك = والله الوالي ولاغير الله الوالي ولي
[/poem]

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يازميلٍ ما حب المختصر = حجته ماتبرهن فعلته
من يعرّض حياته للخطر = رددوا ياعرب ( وا لطته )
[/poem]




صحت أبدانكم ( خليجي ووجودك )

[{ أبوفيصل }]

أتمنى لك النجاح

[{ أبوفيصل }]

حياك الله يا بوفرج ماغاب من حضر واستلم الله لايهينك

[poem=font="traditional arabic,5,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

جيت أبااشوف المريض أكشف عن أسباب المرض =صيْدليّ المنتدى يعطي على اللاّزم غرض
والدّوا اللي يصرفه يغصّ به ثم اعترض =الله الوالي ولاغير الله الوالي ولي
[/poem]



اِتركـــه ماينشــدْ بْـه الظهــر ** حجته ضيّعها في عجته
عيّدوا به ضحى مدري عصر ** هيّــنٍ كـــلٍّ يفـلــج حجته

[عبدالعزيز الفرج]

البقا البقا ياخليجي




[poem=font="times new roman,5,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""] فيه شيءٍ قالوا أهل العلم أهم من العلاج = المريض ليا اقتنع ثم انتهض يبغى الخراج
ربنا يكتب له من الضيق فكة وانفراج = والله الوالي ولاغير الله الوالي ولي
[/poem]



[poem=font="traditional arabic,6,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] كل علة تجي وسط النحر = شيلها زين والا سدّته
أنت بك شي واضح بالنظر = واللحون الجميلة غطّته
[/poem]

[{ أبوفيصل }]

[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خل الميّته حرامٍ صلْخها يابوفرج =لاوالله الاّ يروح ويقطع الوادي عرج
سدّه اللي جاه من روس القنا حتى خرج =والله الوالي ولاغير الله الوالي ولي

[/poem]


اِستلَم ردّها علـم وخبر ** وانعثر في محابل خطته
جعبتٍ مابها غير الفقر ** ردهــا في مثاني جعبته

[عبدالعزيز الفرج]

الله يعطيك العافية ياخليجي وودي لو استمرت أكثر لكن مثلك عارف اننا بوقت اختبارات :/

والجايات أكثر إن شاء الله ،، تجيبك الاجازة إن شاء الله




صح لسانك ولاعدمتك


بيّض الله وجيه الصفوف << مغير وجودك :)

[{ أبوفيصل }]

المشاركة الأصلية كتبت بواسطة عبدالعزيز الفرج الله يعطيك العافية ياخليجي وودي لو استمرت أكثر لكن مثلك عارف اننا بوقت اختبارات :/ والجايات أكثر إن شاء الله ،، تجيبك الاجازة إن شاء الله صح لسانك ولاعدمتك بيّض الله وجيه الصفوف << مغير وجودك :)

صح بدنك ياعبدالعزيز
اَنستنا ونورتنا وسعدنا بلقاءك يارئيس الصيادلة العرب
عسى الله ينجحك ويجيبك وفي أمان الله