درب الصداقة

[عادل العصيمي]

..
[rplayer]http://www.snnam.net/upload/uploads/files/snnam-e95ce7ca88.mp3[/rplayer]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
الناس واجد بالميات وبالألوف = لكن قليل اللي على سجيته
درب الصداقة بالخطر دوم محفوف = وأهل النوايا فالضمير مبيّته
قلوبنا مثل الرسايل فالظروف = والقلب رب العرش يعلم نيّته
والآدمي لن كان ما هو بمعروف = تخفى عليّه حسنته مع سيّته
عرفت من دنياي في شتى الظروف = ما احكم على الرجال من شخصيّته
بعض العرب بشته زهى فوق الكتوف = طويل بشت وقاصره عقليته
ضعيف لو ما كان من ناسٍ ضعوف = واللي يدلّه للطريق وخيته
وبعض العرب يبان من نطق الحروف = يكفيك عن كثر الحكي رديّته
للمرجله والطيب رجالٍ لهوف = عريب جد ويحتمي قاليّته
الذكر ما هو مثل ما عينك تشوف = الطيب بين الناس له ماريته [/poem]
..

[نايف تراحيب]

حجز ملكي يابو دارين ،

( 1 )

لي بآك بعد الأستمتآع بالصوت وبالابيآت :)

/


،

[أنثى نادرة]

ابدعت في الانتقاء

ومافي اجمل من الصداقه

صداقه دربهـا صافي

سلم لنا ذوقك واختيارك

[وجودك يكفي]

صح لسانك مليووووووووون يابودارين وبيض الله وجهك ياشاعرنا المبدع

احترامي

[مهـرة مـطير]

درب الصـداقـة بالخـطـر دوم مـحـفـوف
وأهــــــل الــنــوايــا فـالـضـمــيــر مـبــيّــتــه
قـلـوبـنــا مــثـــل الــرســايــل فــالــظــروف
والـقــلــب رب الـــعـــرش يــعــلــم نــيّــتــه

صح لسآنك يـ شآعرنآ المبدع عآدل

[عادل العصيمي]

المشاركة الأصلية كتبت بواسطة نايف تراحيب حجز ملكي يابو دارين ، ( 1 ) لي بآك بعد الأستمتآع بالصوت وبالابيآت :) / ،

الحجز ok يابو تراحيب


في انتظارك يابعدي


,

[ابوسـعد]

صح لسانك وعلا شأنك ابيات جزله من جزل بارك الله في قولك وياهلاوغلا بأبي دارين

[{ أبوفيصل }]

صح لساااانك وعلى شانك يابعدي قصيده جزله
تحمل في طيّاتها الحِكمه والرويّه لايصيغها الاّ ذو عقليّةٍ ناضجه وحكيمه
احترامي

احترامي

[عبدالعزيز الفرج]

المشاركة الأصلية كتبت بواسطة خليجي صح لساااانك وعلى شانك يابعدي قصيده جزله تحمل في طيّاتها الحِكمه والرويّه لايصيغها الاّ ذو عقليّةٍ ناضجه وحكيمه احترامي احترامي

عادل ماني بقايل لك شيء غير كلام خليجي

صح لسانك ملايين ولاتسدك


لاعدمناك

[سلمان المالكي]

الشّاعر القدير عادل العصيمي صح لسانك مدد بلا عدد

قصيدة إستمتعتُ بقراءتها كثيراً

تميّزت بالعمق وبالرؤية وبالحكمة الشديدة والمعرفة

بإختصار شديد أقول لكَ أبدعت .. وننتظر جديدك المشرق

لنبحر معك سويًّا حول عالمك الخاص ونحلّق في أجواء الشّعر الفريد النادر

تحيّة عاطرة لمقامِ شخصك الكريم ,,