وجهة نظر ( قبل الخطوط الحمراء ) !!

[محمد العريــدي]

مُحاولة .. أتمنى أن تنال الرضى :

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]


ياخذني الهاجس .. على العفويّه = و يطيب بدع الشعر و القافيّه !!

مرات يأخذني .. ولالي خاطر = و مرات ادوّن " مُعجزة شعريّة "!!

لا ضاق صدري قمت أشل لحوني = و أشيلها ../ مسحوب و هجينيّه !!

الشعر ../ يعني لي أهم أشيائي = من بيننا " علاقة(ن) شخصيّة " !!

احيان ودي إنه يكون إبن آدم = و أحب خشمه .. لا أعترض طاريّه !!

دامه رسالة , فـ/ الرسالة عندي = أزهل علي " بيوتي " المنقيّه !!

يا راعي الفنجال , خلك يمّي = و قرّب لي الفنجال و البريّه !!

ودي أسولف , و أنت بس اسمعني = و أعلمك عن " حالتي النفسيّه "!!

إن شفتني لا تقول كيف أحوالك = الحال خمس سنين زيّه / زيّه !!

لا تغرّك الضحكة , و ضحك حجاجي = انا اتصنّع ضحكتي " الأصليّه " !!

الياس .. حطّم داخلي بالمرره = و ماتت كثير أشياء كانت حيّه !!

ما أشوف للدنيا طعم او لذّه = نفس الوضع , و الحال , و الوضعيّه !!

المُجتمع .. غسلت يدي منّه = سُحقا ً .. لـ/ عبد المال و الربيّه !!

فقيرنا عند الإشارة يشحذ = و غنينا في " الدوله الغربيّه " !!

هذاك ما يلقى ما يملأ بطنه = يمسي على جوعه ,و لا اصبح زيّه !!

و هذا يسوي له ريجيم و جدول = و يأكل " حبوب " تقلل الشهيّه !!

( الفقر ) كل ماله يزيد و يكثر = و أصبح قضيّة مُجتمع " منسيّه " !!

بدال ما نعالج , قصرنا الخطوة = و صارت على " الجمعيّة الخيريّة " !!

ايّت حلول .. تناسب اللي حاصل = و أيّت جهه ؟! هي الجهه المعنيّة !!

السرق / و الإدمان / و أكثر من كذا = أشياء سبّبها( الفقر ) سلبيّه !!

عشان ( نتلاشى القضايا ) هذي = لابد من ( نقلة لنا نوعيّه ) !!

نقضي على ( هم البطالة ) مره= و نسعى على التوظيف / و الحريّة !!

ما دامني سعودي , وجدي سعودي = و عروق دمي كلها " سعوديّة " !!

أنا أولى بـ خير البلد من غيري = من شلّة " البنقال " و الشاميّة "

أقوم , و أحط البلد في عيوني = و إن قمت دونه , ما تشح يديّه !!

هذا الوطن ما احد ٍيبي يوفي له = الأ عياله في ( الرخا ) و الهيّه !!

إن صار والأ صار حنا جنبه = ماهوب نافعنا( طوني ) و ( أخيّه ) !!

السعودة , يا ليتها ( قول و فعل ) = ماهي ( كلام ) و ( ضجة إعلاميّة ) !!

هذا هو المفروض , الأ ( الواجب )= قبل الزمن ( يكتب بنا ) مرثيّه !!

وجهة نظر , قبل ( الخطوط الحمراء ) = تمّيتها في ( أبياتي الشعريّة ) !![/poem]

[وجودك يكفي]

قصيده رائعه

صح لسانك يامحمد العريدي

احترامي

[جااابر]

عشـان ( نتلاشـى القضايـا ) هـذي
لابـد مـن ( نقلـة لنـا نوعيّـه ) !!
صح لسانك قصيده رائعه بمضمونها وقافيتها السلسه
تستحق التقييم

[عبدالعزيز الفرج]

صح لسانك يامحمد ملايين

وزين بس انك ماتعديت الخطوط الحمر والا يجي علوم وعلوم :)


اعجابي بما كتبت منقطع النظير ولكن لي عتب بسيط عليك
ألا وهو تكرار كلمة زيه في العجز مرتين

وهذا لا يقلل من شاعريتك أو منك شخصيا


اعجابي مرة أخرى ولاعدمناك

[نسمة غلا]

ماشاء الله
صح لسانك اخوي محمد

شعر راقي يحبس الانفاس ويرقى بالذوق الادبي

ننتظر دائما جديدك

[محمد العريــدي]

وجودك يكفي

شكرا ً ل مرورك يا الغالي , و لا هنت

[محمد العريــدي]

جابر

لاهنت على مرورك و تقييمك يالغالي

[رغدالشيباني]

محمد العريدي

صح الله إلسانك ملايين

ولاهنت

[البارع]

فقيرنـا عـنـد الإشــارة يشـحـذ

و غنينـا فـي " الدولـه الغربيّـه " !!

هـذاك مـا يلقـى مـا يمـلأ بطـنـه

يمسي على جوعه ,و لا اصبح زيّه !!

و هذا يسـوي لـه ريجيـم و جـدول

و يأكل " حبـوب " تقلـل الشهيّـه !!

( الفقـر ) كـل مالـه يزيـد و يكثـر

و أصبح قضيّة مُجتمـع " منسيّـه " !!

بـدال مـا نعالـج , قصرنـا الخطـوة

و صارت على " الجمعيّة الخيريّـة " !!

ايّت حلـول .. تناسـب اللـي حاصـل

و أيّت جهه ؟! هي الجهـه المعنيّـة !!

السرق / و الإدمان / و أكثر من كـذا

أشيـاء سبّبهـا( الفقـر ) سلبيّـه !!

عشـان ( نتلاشـى القضايـا ) هـذي

لابـد مـن ( نقلـة لنـا نوعيّـه ) !!

نقضي علـى ( هـم البطالـة ) مـره

و نسعى على التوظيف / و الحريّـة !!

ما دامني سعودي , وجـدي سعـودي

و عروق دمـي كلهـا " سعوديّـة " !!

أنا أولى بـخيـر البلـد مـن غيـري

مـن شلّـة " البنقـال " و الشاميّـة "

أقـوم , و أحـط البلـد فـي عيونـي

و إن قمت دونه , ما تشـح يديّـه !!

هذا الوطن ما احـد ٍيبـي يوفـي لـه

الأ عياله فـي ( الرخـا ) و الهيّـه !!

إن صـار والأ صـار حـنـا جنـبـه

ماهوب نافعنا( طوني ) و ( أخيّـه ) !!

السعودة , يا ليتهـا ( قـول و فعـل )

ماهي ( كلام ) و ( ضجة إعلاميّة ) !!

هذا هو المفـروض , الأ ( الواجـب )

قبل الزمن ( يكتـب بنـا ) مرثيّـه !!

وجهة نظر , قبل ( الخطوط الحمـراء )

تمّيتها فـي ( أبياتـي الشعريّـة ) !!

صح لساااااانك يامحمد وعزالله انك طرحت مشكله ووجدت حلولها

ممايدل على وعيك وثقافتك ... وانا ىمع بكل ماقات ,,تقبل اجمل تحية واصدقها ,,

[كــــآتــم المـــــعنى]

صح لسانك يالعريدي مدد بلا عدد ولا هنت


تحياااااااااااتي