الي ثلآث ايام مآنيب مضبوط .. " جديدي " وليد المقاطي :)

[وليد المقاطي]

..

السلآم عليكم
.. صبآح / مسآء الخير ..
.. متوآضعه من الهآجس إلى الكيبورد ..
.. والإبيات تتكلم عن نفسهآ ..
..

• الي ثلاث ايام مانيب مضبوط * والنوم مابيني وبينه علاقه ،،
• العب معه شوطً ويلعب معي شوط * واستنطقه بعض العلوم الدقاقه
• وشوط الإضافيات ماهوب مشروط * مير العبه مدام فيني لياقه
• هات القلم والفكر ماهوب مربوط * مبطي عن عن الجزلات والبدع شاقه
• هداج ، صافي ذهن منته بمخلوط * نهرً على الضميان حلوً مذاقه
• ضايق وتال الوقت مانيب مبسوط * وش عاد باقي ياوجيه ؟ الحماقة
• الرجل هقوه لكن الواقع انقوط .. * معاد تعرف خوّته من نفاقه
• والحرّ ماعمره تقارن بـ شبّوط * يبين لآمنّ حآن وقت إنطلاقه
• كرامة الرجال ضع تحتها اخطوط * مآني ممشّيهآ بـ بند الصدآقه
• تركض ورى الموضات والشعر ممشوط * حتى بـ مشيك كن فيك الإعاقه
• وجهك غدآ مكيآج ، والجنز محقوط * وعن مجلس الشيبان جاك إنصفاقه
• ذنبك على جنبك وبالفكر مغلوط * لو ينتصدّق لك بـ خمسين ناقه
• ماني رفيقن لك من الحين مسفوط * دوّر ، وتلقى مثل جنسك رفاقه

وليد المقآطي

[» عبدالعزيز «]

,

وعليكم السلام
الله الله .. صح السسانك مدد ي ابو بندر
و مافيك حيله يوم طردته , صح السانك وكثر لنا من قصايدك انا افداك

[النآيفة]

صــــــحّ ..,لسآآآنكــ,..


مــــدد بلآ عــــدد ,,

مقطوعة تلتحف بردآء الرّوعة والوضوح ,,...


تقديري ..

[العنود البريكي]

وليد عزالله صح لسانك مابيني وبينه علاقه ابداع

[فوفو الطنايا]

وليد شاعر جزل ماشاءالله
بس والله العظيم ماقريت قصيدتك الموضوع ماشوفه
للحين معي المشكله الله يعين ماقرا شيء ابد اشوف الصفحه فاضيه والله العظيم
مدري انت تقرا كلامي ولا لا

[وليد المقاطي]

صحت ابدآنكم يالغالين ،،
ولاهنتم شخص شخص على المرور
شهآده اعتز فيهآ وفرحتي بمروركم وإشآدتكم تسوى لهآ شيً كثييير
لاعدمتكم

[عبدالعزيز الفرج]

وليد المقاطي


صح لسانك ملايين ولاتسدك


ابداع في ابداع



لاعدمناك

[وليد المقاطي]

^
:
الابداع لايكتمل الا بتواجدك ،،
صح بدنك ولاهنت ع المرور المشرّف
لاخلا ولاعدم

[ولايـــف]

صصح لسسآنكك -ولييد -
دآمم آبدآعكك ..

[إبن ثعلي]

لا بالله مضبوط ياوليد وصح السانك قصيدة رائعه لايعلى عليها