ياكاشف أسراري

[عادل العصيمي]

السلام عليكم ورحمة الله وبركاته

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
أنت الوحيد اللي لقيته بهالكون = يعرف وش اللي في ضميري كتمته
وش لون تفهمني بهـ الشكل وش لون = وش لون بأحساسك قدرت وفهمته
السر في جوف المعاليق مدفون = حلم وحلمته كيف جيت ورسمته
وأنا أحسب أنه داخل القلب مكنون = ما بحت به لأنسان من يوم اقمته
كيف استطعت تعدي حصون وحصون = شيدتها لجل أحفظه من حلمته
كثير قالوا للطلاسم يفكون = محدٍ قدر يفتح مظرّف ختمته
وشعّار عجزو للمعاني يعرفون = بيت القصيد اللي بدعت ونظمته
كم واحدٍ مشتال له سيف مسنون = عوّد وهو خايب بعد ما هزمته
الا أنت من دون المخاليق يدرون = سطيت في جوف الضمير وزهمته
ياكاشف أسراري أبا اسالك بالهون = من بعد ما شكّيت فاللي زعمته
اسمك وعنوانك أبا أعرف من تكون = وكيف المخبى في ضميري علمته
ماني من اللي صار ضايق ومغبون = خذ راحتك فاللي نويت وعزمته
لك حق تقراني ولك حق مصيون = عندي وحقك حافظه ما هضمته
لكن فضولي مثل جمرة بغليون = يوم أسمع ان اللي بنيته هدمته
ما لي ومال اللي يقول ويقولون = ابيك تكشف لي عن اللي غممته
صاحبك يطلبك الصراحة وممنون = لن كان ما اعطيته مراده ظلمته [/poem]

,

[نايف تراحيب]

اخو العيآل صدق ،

حجز لين اروق يا مجرم :)


/


،

[عادل العصيمي]

حجزك اوكي ياولد روق :)


ما حنا مقلعين لين تجي


,

[مهـرة مـطير]

وعليكم السلآم ورحمة الله وبركآته

صح لسآنك وعلآ شآنك يـ شآعرنآ الرآئع عآدل العصيمي

على هالقصيده أبدعت فيهآ

[عادل العصيمي]

صح بدنك مهرة مطير


الف شكر على مرورك


دمتي


,

[شموخ طفله]

اخوي عادل العصيمي


صح لسانك


قصيدة مميزة من شخص مميز


حماك الله

[وجودك يكفي]

يسلام عليك يابو دارين

قصيدة في منتهى الروعه والجمال

صح لسانك وبيض الله وجهك على الجزاله والإبداع

احترامي

[الطرف الحنون]

وعليكم السلام ورحمة الله وبركاته

صاحبك يطلبـك الصراحـة وممنـون
لن كان ما اعطيتـه مـراده ظلمتـه

صح لسااااانك يالشاعر

عادل العصيمي

إعتدت قراءة القصائد بصمت إلا قصائدك ... يجب أن تسمعها أذني بصوتي..

أبدعت في النظم والموضوع والقاااف

شكرا لك من القلب



بارك الله فيك

[نايف تراحيب]

المجرم عآدل العصيمي :)

هذه القصيده فيهآ من الإبدآع والجمآل مآيكفي متذوقي الشعر والإبدآع والجمآل شهوور !!

صح لسسآنك بحجم معنآهآ وسمو شعورهآ ،

عآدل العصيمي ،

لن نسمح لك بعد هذه الدره النصيه بنصيه اخرى ،

نطآلبك بشلّه يا هذه يا غيرهآ لك حرية الإختيآر وحبذا ان تكون في مثل هذه الأيآم ،

احترامي وتقديري


/


،

[ذهب]

وعليكم السلام والرحمه ..

صح لسانك تبارك الرحمن.

الله يعطيك العافيه سلمت