المصالح والرفاهيه

[زبن القاضي]

السلام عليكم
[poem=font="simplified arabic,5,#d7450f,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يامكثر اصحاب من عنده ملاييني=وراه موكب وقدمه ناس دوريه
اثيابهم كنها وضح الشيابيني=من وضح فنجال بن سلطان منقيه
وبشوتهم كنها بشوت السلاطيني=والثوب بالدين والا البشت عاريه
الياجلس جّلسو مثل الكراوييني=وفاعراض الاجواد دايم نارهم حيه
ولياوقف نّهضو قدمه خفيفيني=كل ٍ يبا في عيون الشيخ مازيه
شيخ الدراهم وشيخ المذهب الشيني=ماهوب شيخ الفعول وحامي الهيه
لويطلبونه من فلوسه رياليني=عذره طلبكم ماهو حاجه ظروريه
يروح وجهه على ماقيل لونيني=بعد الرضاء ترجع اخلاقه تجاريه
والصحبه اللي بدايتها بوجهيني=صحبة رخاء ماتعدا بارد الفّيه
الحمدلله رب البيت مغنيني=ومغنيني الله عن الاشكال هاذيه
صديقي اللي على الشده مصافيني=ماهو صديق المصالح والرفاهيه[/poem]

[رغدالشيباني]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
يامكثر اصحاب من عنده ملايينـي
وراه موكب وقدمه نـاس دوريـه
اثيابهم كنهـا وضـح الشيابينـي
من وضح فنجال بن سلطان منقيـه [/poem]


زبن القاضي

صح لسانك شاعر قدير وتكتب بأسلوب متفرد

إحترامي

[نجم سهيـل]

قصيدة جزلة ومعبرة

لكن في البيت الثاني بعد التشبيه شوي

زبن يعطيك العافية على وافية المعاني

[عبدالله المرشدي]

الله الله

صح لسانك يازبن القاضي


ابدعت فيما قلت

تحيتي لك

[عبدالعزيز الفرج]

زبن يازبن


سجل إعجابي بدرتك هاذيّه الله لايهينك


صح لسانك ملايين ولاتسدك :)

[{ أبوفيصل }]

صح لسااانك حتى ترضى

ياعنك اقديت فيهم

:)

[اصايل]

صديقي اللي علـى الشـده مصافينـي

مـاهـو صـديــق المـصـالـح والرفـاهـيـه

صح لسانك ..

[الخال]

[poem=font="simplified arabic,6,black,normal,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black""] صديقي اللي على الشده مصافيني=ماهو صديق المصالـح والرفاهيـه [/poem]

زبن القاضي وبيض الله وجهك على الابداع
ولايستغرب من شاعرمثلك وشرواك وصح لسانك
وصدقت ياكثرشيوخ الدراهم الله لايكثرهم
الاالصالح منهم ولانعم اللي فيهم خيركثيرين

[النير]

[poem=font="simplified arabic,5,black,bold,normal" bkcolor="transparent" bkimage="backgrounds/24.gif" border="none,4,gray" type=2 line=0 align=center use=ex num="0,black""]
اثيابهم كنهـا وضـح الشيابينـي =من وضح فنجال بن سلطان منقيـه
وبشوتهم كنها بشوت السلاطينـي =والثوب بالدين والا البشت عاريـه
[/poem]

اتركهم عنك يالقاضي
لايهمونك لاخيرفيهم مادام الثوب باالدين والبشت عاريه
الله لاشماته

على كلا ٍ صح لسانك والقصيده في نظريجميله جداً
وانالااقيم قصايد شاعرعلم مثلك
اسجل عجابي

[قلم ولكن]

شيخ الدراهم وشيخ المذهب الشيني
ماهـوب شيـخ الفعـول وحامـي الهيـه
لويطـلـبـونـه مــــن فـلــوســه ريـالـيـنــي
عــذره طلبـكـم مـاهـو حـاجـه ظـروريـه


صح السانك
لاهنت يالقرم