ياليت ما خط القلم فيك لو بيت .!

[مرضي العتيبي]

السلام عليكم ورحمة الله وبركاته .





صباح / مساء .. جميل عليكم يا آل منتدى قبيلتي العزيزه .~

وأعضاءه وأدارته الكريمه ؛ وزواره الأعزاء ..~

ولعلها تليق بكم هنا ، والجميع بـ أحسن حال

للتؤآصل ونبذ الغياب




ياللي على شآنك سهرت وتعنيـت
أبنشـدك بالله لـيـه القطيـعـه


أنته علامك يا أريش العين صديت
ما تدري أنه يا صحيبـي فظيعـه


خليتني من عقب منتـه تناسيـت
عن حب" أودعته بقلبـي وديعـه


خليتني لانيـب حـي" ولا ميـت
مجروح لكن رحمـة الله وسيعـه


تدري من أسباب الغلا ويش سويت
بنيت لك فينـي قصـور" رفيعـه


جدرانها الألمآس ماهي جرانيـت
شفها قصور العز ماهي وضيعـه


لكن حسآفه ما هقيـت وتهقويـت
أنك تغـآدر عآلمـي يـا ربيعـه


يا ليت لو تنفع مع الوقت يا ليـت
يا ليت مـا حبتـك روح" وديعـه


يا ليت ما خط القلم فيك لو بيـت
ما كآن يمدينـي بحآلـه مريعـه


رميت لي من كيك حبـك فتآفيـت
وخدعت قلب" ما يعرف الخديعـه


أخذته بضحكه وغمـزه وتنكيـت
وأشرع لك حصون الشعورالمنيعه


واليوم شف فآره قصورك توآبيت
لآحلآم عمري يا لكبـر الفجيعـه

:

الإسم الحقيقي / مرضي فرج العتيبي .~

وأتمنى من الإداره الكريمه تغيير المعرف من لقب الأسـير إلى مرضي العتيبي .~

تحيتي وتقديري .~ ,

[وجودك يكفي]

قصيدة جميله


صح لسانك يامرضي بن فرج

[رشة قلم]

صح لسانك.مرضي
حقيقة رائعه
راق لي وان كلها جميله. هذا الشطر
مجروح لكن رحمة الله وسيعه
كل التقدير والاحترام لك

[..{غ ـير البشـ}ـر..]

صح لسآنك مدد بلا عدد

ولاهنت يامرضي

[وضووح]

صح لسانك قصيده وافيه من شاعر وافي

تحياتي

[موِجعه]

واليوم شف فآره قصورك توآبيت لآحلآم عمري يا لكبـر الفجيعـه

سلمت يدينك ع القصيدهـ الرآئعـه
صح لسآنك ولآهنت ,

[البارع]

صح لساااانك يامرضي عدد ماكتبت ,,,

ابيات لايكتبها الا المبدعين ,,,

تقبل مروري ولاتحرمنا من جديدكــــــــــــ ’’’

[كيف أنساك]

صح لسانك لاهنت

[الطرف الحنون]

تدري من أسباب الغلا ويش سويت
بنيت لك فينـي قصـور" رفيعـه


جدرانها الألمآس ماهي جرانيـت
شفها قصور العز ماهي وضيعـه


صح لسانك أخوي

قصيدة جزلة

بارك الله فيك

[أبحرت في عيونك]

ونعم والله يامرضي

خليتني لانيـب حـي" ولا ميـت
مجروح لكن رحمـة الله وسيعـه


صـــــــــــــــــــــــح لساانك ولاهنت قصيده جزله من شاعر جزل