ودي بصدر جديد....

[رشة قلم]

دام صدرك مالحقه من التعب ولا الجفاف

خلني في صدري اللي محتوي بركان دوله.

لوهديتك بعض مايحويه صدري من الخفاف
ماتحملت الصدر واللي يشيل من الحموله

بعضنا يضحك وبين الصدر جمر مايشاف
وده بصدر جديد وناس غير الناس حوله

مير مالصبر غير اللي على صبره اوقاف
محتزم صبره غناة الناس عن قول ويقوله

وش يهمه دام عمر الشوق ماغطى اللحاف
سترته من ربه الخلاق في رزقه يعوله

وش يهمه دام وصل الجرح لقلوب الضعاف
واحدث اللي ماتمناها ولا عنها تحوله

خلها مابين درجات العمر ترقى الكتاف
ون لقت من عرشها ماترقبه حتى تنوله

خلها ياليت تسلم والعمر مابه إخلاف
قادره رجلن تخطيها ولوهي بمحلوله

والصدى شي مقدر لارجع صوت العفاف
ونخرس لالصدى سمع ولالصوته سعوله

واحمدالله من عرفت الحزن وضلوعي شغاف
مؤمنه باللي قضا عرض الحزن او جات طوله

صدري اركيته على حضن المحبه مايعاف
ما عطاه الله خذى وماخذاه الله دعوله

ودام صدرك مالحقه من التعب ولا الجفاف
صدر غيرك غارقن ماعاد تقواها رجوله

[النجم الأصيل]

الله الله
صح لسانك إبداع جميل

بإنتظارك في مسابقة شاعر الملك

ودي لك

[شموخ طفله]

صح لساانك اخووي

على الكلمات التي عزفت بروعتها


حماك الله

[جـــلادة]

صح لســـانك وفالك الطيب

[الطرف الحنون]

واحمدالله من عرفت الحزن وضلوعي شغاف
مؤمنه باللي قضا عرض الحزن او جات طوله


صدري اركيته على حضن المحبه مايعاف
ما عطاه الله خذى وماخذاه الله دعوله


صح لسانك
وأعتلا شانك

قصيده ممتعه

بارك الله فيك

[ســـــــــــاطـي]

ياسلام ياسلام000



قصيده جمييييييييييييله


صح لسانك يالشاعره00


تحيتي وتقديري


كل الشكرلكي

[رشة قلم]

المشاركة الأصلية كتبت بواسطة النجم الأصيل الله الله صح لسانك إبداع جميل بإنتظارك في مسابقة شاعر الملك ودي لك

حياك الله النجم الاصيل
ولاهنت
دمت على الخير

[رشة قلم]

المشاركة الأصلية كتبت بواسطة شموخ طفله صح لساانك اخووي على الكلمات التي عزفت بروعتها حماك الله

ياهلا شموخ
لاهنتي
ودمتي على الخير

[رشة قلم]

المشاركة الأصلية كتبت بواسطة جـــلادة صح لســـانك وفالك الطيب

يامرحبا جلاده
ولاهنتي
وفالج التوفيق شكرًا ياطيبه

[رشة قلم]

المشاركة الأصلية كتبت بواسطة الطرف الحنون واحمدالله من عرفت الحزن وضلوعي شغاف مؤمنه باللي قضا عرض الحزن او جات طوله صدري اركيته على حضن المحبه مايعاف ما عطاه الله خذى وماخذاه الله دعوله صح لسانك وأعتلا شانك قصيده ممتعه بارك الله فيك

حياج الطرف الحنون
وبارك الله فيج
وعلا شانج