لغـز.رجل كل مااقبل على الناس(محلول)من وجودك صح لسانه وبيض الله وجهه

[إبتسام]

بسم الله الرحمن الرحيم

استلموا هاللغز الجديد وتراه سهل وإن شاء الله يعجبكم

يا ويش رجلٍ كلّ ما اقبل على الناس ........................................

........................................ يلقـى الحفـاوة والفـرح والتراحـيـب

وان جاب الاهل وطال مُكثه بمجلاس ........................................

........................................ كلّـن سبـب أهلـه دعـا بـانـه ايغـيـب

وموفقين

[وجودك يكفي]

صح لسانك يا أبتسام على اللغز الرائع

وش تقولين في السحاب او المطر

[إبتسام]

المشاركة الأصلية كتبت بواسطة وجودك يكفي صح لسانك يا أبتسام على اللغز الرائع وش تقولين في السحاب او المطر

مشاء الله عليك يا وجودك يكفي

صح بدنك

نعم المطر

إن جاء لحاله نرحب به , وإن جاء مع البرق والرعد والعواصف والسيول كلنا نخااااااااف

بارك الله فيك

وبيض الله وجهك

[{ أبوفيصل }]

صح لسانك ياابتسام ماشاء الله وش هالأبداع
وهذا متى طرحتوه ،
طيب انا اقول الغيث وش تختارين رمعة وجودك ولاّ رمعتي
او تاخذينها بالأولويّه عاد رايكم مهم هههههه < امزح

المهم لي عوده مع لغزكم الثاني اللي مارضا يجي معي

:)

[إبتسام]

المشاركة الأصلية كتبت بواسطة خليجي صح لسانك ياابتسام ماشاء الله وش هالأبداع وهذا متى طرحتوه ، طيب انا اقول الغيث وش تختارين رمعة وجودك ولاّ رمعتي او تاخذينها بالأولويّه عاد رايكم مهم هههههه < امزح المهم لي عوده مع لغزكم الثاني اللي مارضا يجي معي :)

صح بدنك

والله بعض ما عندكم يا مبدعين

نعم الغيث

خلاص قبلت الاجابتين

انت لك نص الدرجة ووجودك نصها

وبارك الله فيكم

والله يعينكم على اللغز الثاني

[وجودك يكفي]

وجهك أبيض يا أبتسام ولآهنتي على اللغز الوافي والجزل

[{ أبوفيصل }]

ياسلام على اللغز وراعيه وحلاّله
صح لسانكم يالثنين

[وجودك يكفي]

صح بدنك ياخليجي ولآهنت يالغالي