لغز ،، تشرق عليه الشمس وتغيب ،، (محلول ) من وجودك يكفي صح لسانه

[{ أبوفيصل }]

صباح الخير ياساده
جيتكم بـ لغيْز وزويْن من يجيب حله ؟





[poem=font="Simplified Arabic,5,black,bold,normal" bkcolor="transparent" bkimage="" border="none,4,black" type=0 line=0 align=center use=ex num="0,black""]

ياويش رجلٍ منسدح ومْتمدد =سِمّي على رجلٍ صِمَيْدع وضرغام
من خمسه وعشرين وسنين وأزْوَد =تشرق عليه الشمس وتغيب ماقام
ماينزعج لوّك تجيه وتَرَدَّد =ولا يوقّف لو يخفرونه أعوام

[/poem]


العذر والسموحه ،، قمت بتغيير ملحوظ ليكون أكثر وضوحاً

[إبن ثعلي]

شارع الملك عبد العزيز

[{ أبوفيصل }]

مــاااالك لوا

[وجودك يكفي]

صح لسانك ياخليجي وبيض الله وجهك على اللغز الوافي

وش تقول في وادي السبع او وادي السباع

[{ أبوفيصل }]

صح بدنك ووجهك أبيض وهذا بعض مالديكم طال عمرك

الظاهر ياوجودك مازلت متأثر بسالفة الزير سالم

:)


مالك لوا

[وجودك يكفي]

وش تقول في جسر الملك فهد بين السعوديه والبحرين وتم أفتتاحه في عام 1986 م

[ابو بخيت]

وجدك مبروك مقدم جوبك ميهxميه

[{ أبوفيصل }]

المشاركة الأصلية كتبت بواسطة وجودك يكفي وش تقول في جسر الملك فهد بين السعوديه والبحرين وتم أفتتاحه في عام 1986 م

صح لساانك ياوجودك

( جسر الملك فهد )

[{ أبوفيصل }]

حياك الله ابوبخيت تأييدك وتأكيدك لوجودك > صحيح

جسر الملك فهد كان افتتاحه من 25 عام
كذلك لولا الشطر الأخير لطابق اللغز > الشارع والطريق والوادي
لذلك جسر الملك فهد مخفور برجال الجوازات وخفر السواحل

[ابو بخيت]

ابقى 000000000
يعطيك العافيه ياخليجي