يالايمتني

[فـهـد العتيبي]

يا لايمتني ما هقيتك ظلومه
ولاني من الي يرفض الحكم لو صح

انا مواطن وانتِ اعدل حكومه
قولي وش التهمه ولو كان تفضح

وماراح اعارض تهمتك بالملومه
لو قيل نطح اللوم باللوم ينجح

من هو بنهجي ما تهيب خصومه
ما مثَّل الا الطيب في كل مسرحْ

ولو تعرفين الحب فهم لعلومه
ما قلتي الا كنَّك ابن الملوح

ما يردع اشواقي من العقل لومه
لو غلطتي من قيمة الروح تطرح

تدرين لو هالعشق تقبل سلومه
انك تسوم الروح كان يتوضح

للنفس عاشقها صحيح وترومه
وكان الفهد يا بنت بالسعر صرح

عندي فغرامك سوم واغليت سُومه
وادري انك الفذه صراحه والانصح

قلت فـغرامك هاكي الروح سَومه
والسوم لا من صار بالروح مربح

تدرين ضيقي كيف انهي همومه
ارسمك لوحه وانفتن فيك واسرحْ

وتدرين من هو يحسد الناس قومه
من بيض الرايات فاليوم الاملح

وتدرين ليه احيا بنفس رحومه
لاني حكيمٍ واعرف اختار الاصلح

ولاني مغامر كان ما هي محسومه
ولان المطيع لحاكمه فاز وافلح

والختم لك هذي بمسك مختومه
من قلب نافس لك وبالحب ينضح

دوم اجرحيني دام صرتي حكومه
من يمنعك دام الولا لك ترجح


فهد العتيبي

__________________

[رشيد الكسر]

والختم لك هذي بمسك مختومه
من قلب نافس لك وبالحب ينضح

دوم اجرحيني دام صرتي حكومه
من يمنعك دام الولا لك ترجح

فهد العتيبي

صح لسانك وسلم بنانك
ابداع في غايه من الروعه والجمال
لاهنت

ارق التحايا

[صغير الشيابين]

صح السسسانك يالذيب جزله من راسٍ جزل والله لايهينك

[عبدالله المرشدي]

صح لسانك وعلى شانك يافهد

مبدع لاهنت

تحيتي

[فـهـد العتيبي]

المشاركة الأصلية كتبت بواسطة رشيد الكسر والختم لك هذي بمسك مختومه من قلب نافس لك وبالحب ينضح دوم اجرحيني دام صرتي حكومه من يمنعك دام الولا لك ترجح فهد العتيبي صح لسانك وسلم بنانك ابداع في غايه من الروعه والجمال لاهنت ارق التحايا

ضمخني عطر مرورك رشيد
بمثلك ننال ابتسامة الرضا

[فـهـد العتيبي]

المشاركة الأصلية كتبت بواسطة صغير الشيابين صح السسسانك يالذيب جزله من راسٍ جزل والله لايهينك

كبير الشيابين
بمرورك نكبر ونزداد
صح بدنك
تقديري لكرمك

[فـهـد العتيبي]

المشاركة الأصلية كتبت بواسطة عبدالله المرشدي صح لسانك وعلى شانك يافهد مبدع لاهنت تحيتي

عبدالله
مرور اشبه بالغمام الهاطل بزخات الامل
صح بدنك
تقديري