ودّعت حبك

[فـهـد العتيبي]

اليوم روحي استفادت من تجاربها
واصبحت اميز من الي يضر ما ينفع


بس الحسافه وانا اطبق نتايجها
في الي طمعته عن الزلات يترفع


يا صاحبي توبة الأعذار وفِّرها
لو هي نصوحٍ ترى ماعاد لك تشفع


شمس التسامح بدت لك من مغاربها
ليت العذر كان قبل الشمس لك تطلع


بير الغلا جفِّ ماها لاتقربها
والغيم حارب سماها والجفا ربَّع


روحي وحسي وكل اشياء تعرفها
أيام كانت بليل بعادنا تدمع


في الامس همس الشفايف منك يطربها
واليوم صمتك مناها الي بها تقنع


ودّعت حبك وروحي عنك بصرفها
واوعدك ما اتبع الذكرى ولا ارجع


خبّر صواديف لقيانا وبلغها
لا جابتِِك قدْم عيني والصدف تجمع



مالوم عيــــــني إذا زلتك نظرتها
واصبحت طافي ولا في موقها تلمع



ما عاد في روح شخصك ما يميزها
وش ميزة الخل لا منّ الهوى ودَّع





فهد العتيبي

[عزيزة الجناب]

فهد

مبدع لاجديد

صح لسانك

لاهنت

[شموخ طفله]

قصيدة رائعة رسمتها بريشة تنزف بكـ و تجذب ناظرها إلى الإبحاروالتعمق فيها والغرق بين سطورها

لاكتشاف المزيد ولكن ؟؟! لا مزيد !

أتمنى لكَ من الخير أكثره ومن السعادة أجلاها .. دمت باحساسكـ المرهف

[إبن ثعلي]

صح السانك يافهد ولاهنت

[فـهـد العتيبي]

شكرا لكم اخوتي على مروركم المروي
تقديري لك شخص منكم على حده

[البارع]

مبدع ,, مبدع ,, يافهد ,,, شاعر متمكن وجزل في نفس الوقت ,,,

تقبل اعجابي بهذا النص الرااااقي ,,,, تقبل تحياتي ,,,

[فـهـد العتيبي]

البارع مرورك مفخرة لي

تقديري