حبيب العازمي يكشف الحقيقه ويصدع بها أمام الملا ،،

[{ أبوفيصل }]

السلام عليكم ورحمة الله وبركاته


في أحدى المناسبات ألقى أحد الحضور قصيدة ٍ ونُسبت لغير قايلها ..
وقد كان الشاعر / حبيب العازمي حاضر ذلك الحفل وما ان انتهى عريف
الحفل من القاء القصيدة واذا بأبو فيصل ينوّه أمام الحضور
بأن هذه القصيدة للشاعر / لافي حمود الغيداني وليست لذلك الشخص ..


علم الشاعر : لافي بموقف الشاعر : حبيب

وارسل الابيات التالية للشاعر حبيب شكراً له وتقديراً لموقفه الغير مستغرب





من حقوق الشعر ياحبيب على الشاعر حبيّب
الوقوف بوجه لص الشعر ويضاح الحقيقـه

مثل ماسويت ياطيب سمعت وقلت طيـب
مانـي حبيـب اذا مابوقفتـي نشفـت ريقـه

لاتغيـب ضامـره لايحسـب الحـق متغيّـب
خل لين يخلص واعلنها علـى روس الخليقـه

والله ليبطي وهو من طـاري الشعـر متهيّـب
عقب قلت الكلمه اللي منك تحسب عن وثيقـه

تقل مستاون لخده من بعيـد ومـن قريّـب
في يمينك وانت مانشتـه بيمنـاك الطليقـه

يقطـع الله كـل رجـل ٍ مايتعايـب مايعيّـب
مايتعايب مايعيب الرجـل حتـى مـن شقيقـه

موقفك يالشاعر اللـي عمـر بيتـك مايشيّـب
دايم وبيتك شباب الروح وافكـارك عميقـه

لو نبا ننشي نظام ومحكمـه ضـد التسيّـب
تظمن حماية قصايدنـا الجديـده والعتيقـه

لمكانـة شاعريـتـك العظيـمـه ياحبـيّـب
صرت فيها من قضاة الحق وانصـار الحقيقـه

:


:

وصلت الابيات لبو فيصل واليكم رده ..



الله اكـبـر كــل مايـذهـب خـيـال الفـكـر وأيّــب
دق هاجـوس القريـحـه واستلمـنـي فــي دقيـقـه

اتطيـب مـن شــذى ورد القـوافـي ويتطـيـّب
قــاف شـعـر ٍ لاهـزيـل ولابخـيـل ولاسريـقـه

مثـل قـاف الشاعـر اللـي ماستشفـه مـن كتيـّب
مـــن تـراثــه مـاتـأثــر بـالـحـداثـه والمـسـيـقـه

لافـي الـلـي مايخـيـب الـظـن فـيـه.. ولايخـيـّب
مـن لفـاه ومـن صـاه ومـن نخـاه بكـل ضيـقـه

وان شكرني قلت يابن حمود ياريـف الركيـّب
وش مجال الشكر في فزعة رفيق ٍ مـع رفيقـه

وان كشفت الشك والا الريب في وجه المريّب
ليـه اخـلـي لــه مـجـال يشجـعـه بـكـره رفيـقـه

والمزيف ينكشف مهما انستر والحـض كيـّب
والـلـئـم لـيـاتـمـرد يـكـرهــه حــتــى صـديـقــه

واختـلاف الوقـت وارد والثعـل وابـنـه تـذيـّب
والعـرب ماتكـره الا الذيـب والمـرقـب يويـقـه

واحمـد الله كـل مايذهـب خـيـال الفـكـر وأيــّب
جـاب لـي عـلـم ٍ مـوكـد واستلمـتـه فــي دقيـقـه



أتمنى ان تنال اعجابكم


لكم مني اعذب التحايا

[الصهد]

وعليكم السلام ورحمة الله وبركاته

يقطـع الله كـل رجـل ٍ مايتعايـب مايعيّـب
مايتعايب مايعيب الرجـل حتـى مـن شقيقـه

قصائد جزله ولاهنت ياخليجي

تحياتي وتقديري

[الركــن]

خليجي

صح لسان الشاعرين ونقل مميز

[{ أبوفيصل }]

وانت يالصهد لاهنت

شاكر لك مرورك الكريم

[{ أبوفيصل }]

المميز مرورك يالركن

شاكرلك مرورك

[عادل العصيمي]

صح لسان الشاعرين


موقف جميل وفيه وفاء


لا هنت ياخليجي


,

[عبدالعزيز الفرج]

صح لسان الشاعرين وموقف لا يستغرب من أبو فيصل


لاهنت خليجي

[راعي الوفاء]

شكرا للشاعر ين المميزين حبيب العازمي ولافي الغيداني على هذه الابيات الرائعة
وشكرا لك اخوي على هذا النقل الرائع

[{ أبوفيصل }]

وانت ياعادل ماتهون

تسلم

[عاشق المساري]

يعطيك الف عافيه على النقل