أنت السبب

[عادل العصيمي]

السلام عليكم ورحمة الله وبركاته



أسعد الله صباحكم بالخيرات

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ياصاحبي خل العتب والمشاريه = غير الوفاء بالعهد وش جاك مني
أنت السبب في كل ما صار ياهيه = ياللي قطعت الحب والود عني
معقول أبا أطلب فاقد الشي يعطيه = خل العتب ياصاحبي يستكني
مات الغلا يوم أنقطع وصل راعيه = أبطى وهو في كل ليلة يحني
غصنٍ خضر دوب أطلعت به نواميه = أصبح علاه الصبح عود متثني
واليوم جايه بالمشاريه تسقيه = تشيل صكات الليال متعني
من مات ياراع الوفاء كيف تحييه = خلّك من اللي فات لا تمتحني
لا تعتذر عذرك أنا وين أوديه = خلاص يكفيني عتاب وتجني
جرحك تراه بخافقي لا تصحيه = أقل شي خلّك على حسب ضني
ما شفت زولك يوم الايام تدميه = ياكثر ما صارعتها وصرعنّي
ارقب متى زولك يجي والتوي فيه = وأرسل مظاريف الوله ما يجني
واقول يمكن جاير الوقت منسيه = واصبر ولو صبري عليه يمني
صبرت لين الحب بانت مساويه = والعاشق الولهان قرّب يجني
ما كنت أظن ان انت بالذات تشقيه = وانا احسب اني صرت معك متهني
أخطيت في فهم الزمان وبلاويه = أثر الأماني ما تجي بالتمني [/poem]

[الأدميرال]

عادل العصيمي يشرفني اكون اول من يرد على قصيدتك

من مات ياراع الوفاء كيف تحييـه

خلّك من اللـي فـات لا تمتحنـي

لا تعتذر عذرك أنـا ويـن أوديـه

خلاص يكفينـي عتـاب وتجنـي

وصح لسانك ولاهنت

[فيصل بـن طعيس]

معقول أبا أطلب فاقد الشي يعطيـه .. خل العتـب ياصاحبـي يستكنـي

مات الغلا يوم أنقطع وصل راعيـه .. أبطى وهو في كـل ليلـة يحنـي

هنااا صح الله السانك لين ترضى


اماا هناااا تصويرر لاهنت ولاهان هاجسك عليه


غصنٍ خضر دوب أطلعت به نواميه .. أصبح علاه الصبح عـود متثنـي


لاهنت لاهنت لاهنت


( مروري واعجابي )

[وجودك يكفي]

قصيدة رائعه

صح لسانك ياعادل

[شموخ طفله]

اعذرني سيدي قلمك أجبرني على مجاراته ..! وتلك الآلام التي استوطنت داخلي .. وجدت مساحة هنا للبوح .. أيها الرائع دام قلمك نقياً بنقاء روحك .. سماء صفاء وسعادة تكسو أيامك ... ودمت مبدعاً ,, وأبعد الله عنك الهم والحزن .احترامي لك

[عادل العصيمي]

المشاركة الأصلية كتبت بواسطة الأدميرال عادل العصيمي يشرفني اكون اول من يرد على قصيدتك من مات ياراع الوفاء كيف تحييـه خلّك من اللـي فـات لا تمتحنـي لا تعتذر عذرك أنـا ويـن أوديـه خلاص يكفينـي عتـاب وتجنـي وصح لسانك ولاهنت

الشرف لي يالادميرال


صح بدنك ولا هنت


دمت


,

[الصهد]

[frame="7 70"]
أخطيت في فهم الزمـان وبلاويـه
أثر الأمانـي مـا تجـي بالتمنـي
[/frame]

صح لسانك يابن عاصم

وفالك البيرق

تحياتي وتقديري

[حنين الروح]

أخطيت في فهم الزمـان وبلاويـه
أثر الأمانـي مـا تجـي بالتمنـي

اشهد انها ماتجي بـ التمني ..

عادل العصيمي
الله عليك وكفى ..!

[البارع]

صح لسانك ياعااااادل مدد بلاعدد ,,,

شاعر لايختلف عليك اثنين :

أخطيت في فهم الزمـان وبلاويـه

أثر الأمانـي مـا تجـي بالتمنـي

قفله كااايفه ,,, تقبل مروريـــــــــــــــــــــــــــــــــــ ,,,

[عذب السجايا]

بن عجلان
صح لسانك وعلا شانك