لغز...بالقلب له معنى وتلقاه فالسوق(محلول)من صمتك ذبحني صح لسانه

[وجودك يكفي]

السلام عليكم

استلموا هاللغز الجديد وأرجوا أن يحوز على رضاكم:


[poem=font="traditional arabic,6,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انشدك عن ورعٍ ولاهوب مخلوق=وليا مشى يذبح مخاليق بالكوم
ينساق في دربه ولايقدر يسوق=له فعل محمودٍ وله فعل مذموم
بالقلب له معنى وتلقاه فالسوق=بالمشترى والبيع يافاهم السوم
[/poem]

[{ أبوفيصل }]

صح لسانك ياوجودك يكفي ،، لغز اكثر من رائع يعطيك العافيه

ارحب ارحب ،، رمعه سريعه ،، وش تقول فالحِب
او وش رايك بالغلا

واسمح لي بالنيابه بس أنسق اللغز لجماله

[وجودك يكفي]

المشاركة الأصلية كتبت بواسطة خليجي صح لسانك ياوجودك يكفي ،، لغز اكثر من رائع يعطيك العافيه ارحب ارحب ،، رمعه سريعه ،، وش تقول فالحِب واسمح لي بالنيابه بس أنسق اللغز لجماله

صح بدنك ياخليجي والله يعطيك العافيه على التنسيق وبصراحه هالتنسيق عجزت اعرف له

مالك لوا فالغلآ والحب

[{ أبوفيصل }]

اذاً لي عوده ياكبتن ،، غلبنا النوم والنوم سلطان

[وجودك يكفي]

المشاركة الأصلية كتبت بواسطة خليجي اذاً لي عوده ياكبتن ،، غلبنا النوم والنوم سلطان

نوم العوافي ياخليجي

[شيخ الشيوخـ]

صح لسانك ياولد ثابت

واعتقد انه ( الطيب )

واليا مشى يذبح مخاليق بالكوم
( الريح الطيبه الي تخرج اخر الزمان وتقبض روح كل من في قبله ايمان )

ينساق في دربه ولايقدر يسوق
( يمشي مع الريح )
له فعل محمود وله فعل مذموم

( فعله المحمود يعجب كل من شمّه ... وفعله المذموم يضر من في جسده مرض او جرح على قولتهم ( يشم ) )
بالقلب له معنى وتلقاه بالسوق

(( الطيب في القلب )) وفالسوق للبيع


هذا ان ماخاب ظني
ولاهنت يالغالي

[وجودك يكفي]

صح بدنك ياشيخ الشيوخ وحياك الله يالغالي

مالك لوا بالرمعه طال عمرك

[شيخ الشيوخـ]

ماهيب هي ياولد :) ..

وش تقول فـ السوم !

[الصهد]

المشاركة الأصلية كتبت بواسطة شيخ الشيوخـ ماهيب هي ياولد :) .. وش تقول فـ السوم !

وجودك يكفي
بالمشترى والبيع يافاهم...السوم << يافاهم اللغز إذا قلبت سوم تعرف الجواب ويطلع لك موس‏
أشكر جميع من شارك والله يعطيكم العافية

صح لسان من حله
ولسانك وجودك
بس ياوجودك شيخ الشيوخ رمعته طيبه ونقدر نقول حله او رمعه طيبه
ردك عليه ان ماله لو واخطيت
المفرض رمعه طيبه او تقول له وضح
وجهه نظروانتم ااعرف
المعروف بالألغازماينطرح لغز
لين ينحل المطروح او يرفع
وموجود لغزين
وغير ذلك اللي يحل لغز يطرح لغز
او يوكل احد يطرح لغز بداله
ارجو ان تتقبلو وجهه نظري
ولا هنتو جميعاً

[وجودك يكفي]

المشاركة الأصلية كتبت بواسطة الصهد وجودك يكفي بالمشترى والبيع يافاهم...السوم << يافاهم اللغز إذا قلبت سوم تعرف الجواب ويطلع لك موس‏ أشكر جميع من شارك والله يعطيكم العافية صح لسان من حله ولسانك وجودك بس ياوجودك شيخ الشيوخ رمعته طيبه ونقدر نقول حله او رمعه طيبه ردك عليه ان ماله لو واخطيت المفرض رمعه طيبه او تقول له وضح وجهه نظروانتم ااعرف المعروف بالألغازماينطرح لغز لين ينحل المطروح او يرفع وموجود لغزين وغير ذلك اللي يحل لغز يطرح لغز او يوكل احد يطرح لغز بداله ارجو ان تتقبلو وجهه نظري ولا هنتو جميعاً

صح بدنك يالصهد ولآهنت يالغالي


بالنسبة لرمعة شيخ الشيوخ:
السوم مكتوب في اللغز والمطلوب الموس ومابينهم رابط إلآ بعكس الكلمة والرمعة الطيبه تقال إذا كانت قريبه من جنس الجواب
على سبيل المثال لوقلت لشيخ الشيوخ في رمعة السوم رمعة طيبه بتجي بعدها رمعة العربون وبعدها تجيك رمعة المزاد العلني وهلم جرا....

وبالنسبه لطريقة طرح الألغاز فالباب مفتوح لجميع الأخوان وإللي عنده لغز يطرحه وماراح يأثر على أي لغز مطروح


لو خليناها على لغز واحد يمكن يطول هاللغز والأعضاء راح توقف رمعاتها ويصيبها ملل
ولكن إذا كان فيه لغزين او ثلاثة تكون المشاركات في القسم أكثر وأنشط