لغز على الطاير ،، حله الأدميرال ،، صح لسانه

[الصهد]

الله حيهم
سهل وبسيط لتنشيط الذاكره

أنشدك عن مركب إيداه بجنوبه
وان بغوه الناس شدوه بأطرافه

شده اللي مابعد صار مركوبه
وركبه اللي ما درابه ولا شافه

[{ أبوفيصل }]

الله أبقه البقا

صح لسانك
يعطيك العافيه يالصهد على هاللغز المزنجل
وش تقول بالرمعه الخطافيّه ،، الدربيل او سرج الفرس

[الصهد]

سلمت ياخليجي ويعطيك العافيه

مالكش لوا سماويه ياذيبان

حاول مره آخرا

[أميرة الورد]

الله يحييك أخوي الفاضل : الصهد
دخلت بس أبي أرحب بك
ومشكور على اللغز الصعب اللي مستحيل أحله ... لاهنت

[الصهد]

المشاركة الأصلية كتبت بواسطة أميرة الورد الله يحييك أخوي الفاضل : الصهد دخلت بس أبي أرحب بك ومشكور على اللغز الصعب اللي مستحيل أحله ... لاهنت

ياهلا وغلا بأختي الاميرة وحياك ربي
وهذا يدل على طيب معدنك
ولاشكر على واجب وتراه سهل
تشريفك المتصفح
وبمناسبه تواجدك
توضيح للربع ترانا بمر عليه كلنا
احمدو ربكم ياحلاله الاغاز
وانت خاصه ياخليجي
تباركت عليكم الاميرة
يالله جيبوه

[{ أبوفيصل }]

مايمنع نرمعه كم رمعه لو من غير تركيز
تخبر سهر وليلٍ سرمدي والنوم سلطان ، ان كان محدن قضا عليه لاحقين عليه

وش رايك بالعروة الوثقى او الصيراط لو الأوله أوثق

[أميرة الورد]

المشاركة الأصلية كتبت بواسطة الصهد ياهلا وغلا بأختي الاميرة وحياك ربي وهذا يدل على طيب معدنك ولاشكر على واجب وتراه سهل تشريفك المتصفح وبمناسبه تواجدك توضيح للربع ترانا بمر عليه كلنا احمدو ربكم ياحلاله الاغاز وانت خاصه ياخليجي تباركت عليكم الاميرة يالله جيبوه

الله يجزيك عني الجنّة ويحرم وجهك على النّار أخوي الفاضل الصهد
بيض الله وجهك يالنشمي ومشكور على التوضيح لاهنت
بارك الله فيك

[الصهد]

والله بجد ياخليجي خربناها الليله سهرنا
واخاف اني اروح ارقد
وتقولون راح وخلانا واللي تشوفه طال عمرك

توقعت انك بتفضخ عينه سماويه ياذيبان

مالكش لوا
الاخت اميره الورد الله يجعل لك نصيب من دعائك
ويجزاك عني كل خير يابنت الاجواد

[الأدميرال]

حي الله الصهد وحي لغزه

النعش الي يشلون الميت عليه لادرابه ولاشافه

ولاهنت على طرحك اللغز

[{ أبوفيصل }]

انا اؤيد ادميرال على رمعته بشده
واعتقد فضخ عينه بانتظارك يالصهد