احدث رد لقصيده الشاعر ناصر القحطاني في (شمر)

[فوفو الطنايا]

بسم الله الرحمن الرحيم
** قصيده ناصر القحطاني في (شمر)
//////////////////////////////////////////////////////////
الشمس غابـت وكـل ٍ دوّر سراجـه

والشوق جمّر محرّ الشـوق لاجمّـر


دام اتجاهك شمـال مودعـك حاجـه

سلّم على حايـل وسلّـم علـى شمّـر


قدامك الخافـق اللـي ينشـد علاجـه

كنه معلّـق علـى بـرزان ومسمّـر


وانت تعرف يا بعد حيي مـن تواجـه

بيضان الافعال لامـن الزمـن سمّـر


ان ضاقوا أعنف من البحر وامواجـه

وان راقو اركد من الخرمان لا عمّـر


كم صيت بيت ٍ عتق في الباب مزالجه

وكم شيخ اماره قبـل تعيينـه مومـر


وكم حاتمـي ٍ تكفـيّ فلّـة احجاجـه

وش لون للضيف لو عن ساعده شمّر ؟


وان مـر تاريخهـم متلبـس ٍ تاجـه

كم عاشق ٍ كيّف وكـم حاسـد ٍ زمّـر


في جو ٍ اغلى على الرجلي الى داجه

من ديرة السادس ومن ديـرة معمّـر


كنّه الا اهـدى لـه البـراق فجاجـه

خلت غرير ٍ ضحك ومن الخجل حمّر


توارثـو حرثـه وتمتـيـر ديبـاجـه

ركابة الجيـب مـن ركابـة الضمّـر


الودّ لا غرس بدري صعب مخراجـه

والله ولا الـذّ واحلـى منـه لا ثمّـر


ادخل على اللي تطوف البيت حجاجـه

من ناقص ٍ عند مـدح الغيـر يتذمّـر


والمدح لو كان في الرديـان للصاجـه

ويقال عمّر بلـد بالعـون مـا عمّـر


والذّم لـو زاد فـي الطيـب تولاجـه

لا احرق ولا اغرق ولا عمّر ولا دمّر


ماني بمتحسب بشعري علـى حاجـه

الا اني اروح ما غنيـت فـي شمّـر

.................................................. ................

هذا رد الشاعر احمد الجريفاني الشمري.يستاهل القحطاني وربعه..
على قصيدة الشاعر ناصر القحطاني في حائل وشمّر..


هلا بشهمٍ صدق في رسـم منهاجـه

هلا بمنهو تمثّـل فـي جبـل شمّـر


هلا بمن تعجـز القيفـان لحراجـه

ومن حقه إنه علـى القيفـان يتأمّـر


وصل سلامـك ولا يحتـاج ديباجـه

عمّرت صرح الغلا ياعلّـك تعمّـر


نظمت عـذرا تهبّـل فـي تغنّاجـه

لو حاول احدن يجاري حسنها قصّر


يامير الاشعار يامـن يحسـده تاجـه

اعذر محاكيك بالقيفـان لـو كـرّر


لو يمرض الجود نادوا فيك لعلاجـه

تعطى البشاره لمن في جيتـك بشّـر


لو يظلم الكون نورك يجلب افراجـه

ماعاشرك في حياتك حـي ويكـدّر


يشهد لك ا لليل لامن ضوت ابراجه

ويشهد لك الحبر والاقـلام والدفتّـر


والطيب يشهد لك انك صرت هداجه

نعم المراجل ونعم الاصل والمخبـر


قحطان كنه محيـطٍ تلطـم امواجـه

طوفان عارم ليامن الهـوى زمجـر


ولامن هدا الموج يهدي غالي انتاجه

الدر واللـول والمرجـان والعنبـر


ما رامهم طامع إلا يرجـع ادراجـه

الليث ماينقـرب خـصٍ ليـا كشّـر


نبراس عـزٍ يسـرك فـي توهّاجـه

من خلقت الكون حتى ساعة المحشر


يامن نظمت البيوت وقمت بخراجـه

عسى حياتك سهود ولايجيك الشّـر


منت الذي يحسب بيوته على حاجـه

حنّا هلك والجبل في مثلكـم يفخـر


ولا غابت الشمس محدن دور سراجه

نور القحاطين ساطع في جبل شمـر

وسلامتكم واتمنى اني وفقت في نقلها لكم ..
دمتــــــــــــــــــــــم.

[عاشق المساري]

يعطيك الف عافيه على النقل