المشيخه ماهي بشـوت وملاييـن

[عذاري]

السلام عليكم ابناء عمومتي..
القصيده عجبتني لما فيها من عبر...بس بصراحه ما اعرف صاحبها:)
انشالله تحوز على اعجابكم.
[align=center][poem=font="Simplified Arabic,4,teal,bold,normal" bkcolor="teal" bkimage="backgrounds/29.gif" border="outset,10,teal" type=2 line=0 align=center use=sp num="0,black"]
المشيخه ماهي بشـوت وملاييـن
وختمٍ طلـع بالواسطـه والميانـه
ولاهي بنشرالكذب وسط الدواويـن
والفخفخـه والفشخـره والخيانـه
ولاهي بنفخ الصدر عند السفاهيـن
وتظاهر انـه صارعنتـر زمانـه
واللي تصيقر وهو ضمن الكراوين
ختمـه ومايملـك يزيـده مهانـه
بكـره لياجـا للمواقـف براهيـن
وكلٍ علـى فعلـه يقـدم ضمانـه
تبي تكشف كل الأوضـاع وتبيـن
ويعض منهو محتـزم بـه بنانـه
لا جا التناقش وانبرى الجيم للسيـن
يرسب من اول يوم عنـد امتحانـه
ينشب لسانه فاللقـاء بيـن لحييـن
ويـروح بأفـواه العـواذل لبانـه
المشيخه صبرٍ على العسر والليـن
وبذل وعطا واخلاص ذمه وامانـه
والمشيخـه للـي يفـل الجناحيـن
ويضف ربعه في وفـاه وحنانـه
والمشيخه صد الخصـوم العنيديـن
والحـزم والشـده لقـوم اللعانـه
وان ثار عج المشكله بين خصميـن
يبـرك وعشـره ماتعـود ثمانـه
والمشيخه بـذل الكـرم للكريميـن
وبيتٍ تعرفه قبـل لايقـال عانـه
وعطفٍ على المحتاج ومغربل الدين
وصيتٍ طغى مسكه على زعفرانـه
شيخة شرف ماهي بشيخة وراعين
شيخة كريم المجـد جـود عنانـه
حكيـم ينصونـه قـرومٍ حكيميـن
يستأنسـون لحكمـتـه ولبيـانـه
سوالفه تشرح صـدور الحزينيـن
والصدق والحكمـه عوايـد لسانـه
مجده مورث من شيوخٍ عزيزيـن
سـاسٍ وثيـقٍ ماتزلـزل كيانـه
هـذاك لـو مايملـك إلا رياليـن
له في قلوب الناس قـدر ومكانـه
صيته يشرف عند الأدنى والأقصين
ودايم بفعل الطيب كاسـب رهانـه
لامر ذكره قالـو النـاس نعميـن
وجـهٍ يزينـه الرضـا والديانـه
يغنيك عن شوفة وجيـه الشياطيـن
عبـادة الدينـار روس الخيـانـه
وش عاد لو حطو ختوم وملاييـن
مال الردي نقـصٍ عليـه ومهانـه [/poem][/align]

[النمر الروقي]

صح لسانك ولسان الشاعر يا عذاري
انا اشهد ان هالقصيده تجسد الواقع في هذا الزمان اللذي اصبحت فيه المشيخه (( في كثير من الاحيان)) لأهل البشوت والملايين .
و اصبح يمجدهم كثير من الباحثين اللذين تجهالوا الغانمين ولكن لايضيرهم تجاهل المتجاهلين .
احترامي لك ولقايل القصيده ..

[اخو من طاع الله]

قصيده ررررررررررررائعه
تسلم يمينك
وننتظر جديدك

[الغريق]

قصيده رائعه بكل معنى الكلمه ويعطيك الف عافيه عذاري على اختيارك

وانا ارشحها للمواضيع المميزه واتمنى يوافقوني بقية الاخوان

تقبلي صادق الود

[طالع]

مشكوره ياعذاري على النقل

[إبن ثعلي]

رائعه ياعذاري واختيار موفق
تحياتي

[المزحمي]

قصيده جميله ومعانيها أجمل






صح لسانه ولسانك يا عذاري






وسلمتي ع النقل

[حسام هوازن]

قصيدة رائعة وجميلة جداً
وصح لسانك ولسان شاعرها

تحياتي لكي

يــــــ عذاري

[فهد العايضي]

صح لسانك ياعذاري ولسان شاعرها

ولاهنتي على النقل