الله أنه لا يبارك فالقصيد إن كان خاوي

[عادل العصيمي]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
الله أنه لا يبارك فالقصيد إن كان خاوي = ويش أبي في بيت ما يسوى ولا مثقال ذرة
الشعر عالم كبير وكل شيٍ فيه حاوي = واللبيب اللي يدوّر واديٍ ما فيه جرّة
كل ما شاف الفريدة غار غارات العطاوي = راكبٍ من فوق سبّاقٍ معرّب وأله غرّة
يطمر الجرف الهيال ولا يجي قرب المساوي = في محلّه ما يعكر صفو طرقيٍ يمرّه
والله أني ما أخطي ولا أحب راعين الخطاوي = ما نويت أقولها الا والدعاوي مستقرّة
فار دمي يوم شفتك صوب سطح الأرض هاوي = وأنت نجمٍ فالسماء موقعك في قلب المجرة
فالفضاء كنًك زمام اللي تغطى بالغطاوي = تخترق جنح الظلام بنور يشبه نور درّة
صحت في وجه الزمان وقلت ياكاف البلاوي = ما نويت الك المضرة لو بدى مني مضرة
أستبحت البعد والحرف الشقي يركض جلاوي = مطلق يدينه وقلت القلب لا يمرح بحرّة
وانكشف لك ما بدى مني وأنا بالقصد ناوي = كيف أبا أمرح في عذابي وأنت تمرح بالمسرة
وأحمد الله يوم طبعك مهتدي ما أنته بغاوي = أستفقت من المنام وبان لك خيره وشره
أرتقيت وشمت فوق الأرض يالنجم السماوي = واعتلا شانك وصرت بعين من يرجيك قرّة
والختام أزكى تحية ريحها كمبود جاوي = للنجوم وللكواكب كل واحد في مقره[/poem]

[البارع]

صح لسااااااااااااااانك ياعادل قصيده ملغمه ولكنها رائعه .... تقبل مروريــــ

[{ أبوفيصل }]

ياسلام

صح لسانك وعلاا شانك

أبيات كنظم اللؤلؤ بسلاستها ومعانيها ولكن لاتخلو من القنابل العنقودية


تحيات


العطـ خليجي ـــاوي

[بنت الهيــــلا]

أستبحت البعد والحرف الشقي يركض جلاوي

مطلق يدينه وقلـت القلـب لا يمـرح بحـرّة

وانكشف لك ما بدى مني وأنا بالقصد نـاوي
كيف أبا أمرح في عذابي وأنت تمرح بالمسرة


صح لسانك ولاهنت نص مميز

تقديري..

[عادل العصيمي]

المشاركة الأصلية كتبت بواسطة البارع صح لسااااااااااااااانك ياعادل قصيده ملغمه ولكنها رائعه .... تقبل مروريــــ

البارع


صح بدنك ولا هنت رغم تحفظي على كلمة ملغمة !


الشعر بصفة عامة ما يبنى من غير معنى ولكل شاعر اسلوبه في نسج القصيدة


تحياتي


,

[عادل العصيمي]

المشاركة الأصلية كتبت بواسطة خليجي نت ياسلام صح لسانك وعلاا شانك أبيات كنظم اللؤلؤ بسلاستها ومعانيها ولكن لاتخلو من القنابل العنقودية تحيات العطـ خليجي ـــاوي

خليجي نت


صح بدنك


شاكر لك مرورك واطرائك


تحياتي


,

[.. هـإج ـس ..}]

فار دمي يوم شفتك صوب سطح الأرض هاوي .. وأنت نجمٍ فالسماء موقعك في قلـب المجـرة
فالفضاء كنًك زمام اللـي تغطـى بالغطـاوي .. تخترق جنح الظلام بنـور يشبـه نـور درّة


عــادل الـعـصــيمي

صــح لســـانك .. واعــتــلــي شــانك

قـــمــه

[فهيد مقعد الرويس]

صح لسانك

وعتلاشانك

يابودارين على هالرائعه

مبنى ومعنى

تقبل اطيب تحيه

[سويلم الخراص]

ابن عجلان/

لله درك يامبدع

صح لسانك حتى ترضئ على هاذه الجزله والهادفه

تقبل اعجابي

[نايف تراحيب]

لله درك

لله درك

لله درك


مبدع يابن عجلآن بكل ما تعنيه هذه الكلمه وانت اكيد عندك خبر !

احترامي يا الامير


/


،