أنا البارحه ما نمت والعالمين أرقود ...

[الجـآدل]

السلام عليكم ورحمة الله وبركاته ..

هذه مجرد ابيات متواضعه

اتمنى ان تنال رضاكم

http://www.5ymah.net/ayoonsod.mp3

هنا الشيلة بصوت المنشد ابو نواف

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا البارحه ما نمت والعالمين أرقود=سبايب أجروحٍ تشتعل داخل أضلوعي
ليا قلت هانت عود الهم زود بزود=وهليت دمع العين غصبٍ بلا طوعي
عساها تخفف ضيقة أم العيون السود=غشاها التعب بالشكل واللون والنوعي
كثير البشر ما عاد تلقى وراها فود = تغير أسلوب وشينة أخلاق وأطبوعي
تقدم لها من طيب مجناك دهن العود = وتلقى الردى مردود مثني ومربوعي
ليا صار فعل الخير ما يبلغ المقصود = طريق الردى ماهوب للناس مشروعي
تعيش الأوادم وآخر أعظامها للدود = كذا سيرة الأيام تابع ومتبوعي
[/poem]

وســـــلامتكم

الجـــآدل

[شيخ الشيوخـ]

صح لسانك يالجادل
قصيدة رائعة وتستحق الاشادة

تقبلي اطيب تحيه وننتظر مزيدك,,,

[بنت الهيــــلا]

صح لسانك غلآتي ودام نبضك وبوحك الراقي

لكـ ودي ..

[فهيد مقعد الرويس]

صح لسانك

يالجادل

ابدعتي لاهنت

تحيتي وتقديري

[عبدالله المرشدي]

صح لسانك يالجادل


وعلى شااانك

رائعه كعادتك

[شويهينة الهيلا]

الله الله
صح لسانك مليون ولا يسدون راقت لي جدا جدا
والاداء مميز

[اصايل]

ليا صار فعل الخير ما يبلغ المقصود

طريق الردى ماهوب للناس مشروعـي

صح لسانك مدد

[نسمة غلا]

صح لسانك اختي الجادل

ابيات روووووووووعه وشيلة اروع

ننتظر دائما كل ماهو جميل منك

[عادل العصيمي]

الجادل


صح لسانك على القصيدة الجزلة


تقدم لها من طيب مجناك دهن العـود
وتلقى الردى مردود مثني ومربوعـي


ابدعتي


,

[الصهد]

كثير البشر ما عاد تلقى وراها فـود
تغير أسلوب وشينة أخلاق وأطبوعي

تقدم لها من طيب مجناك دهن العـود
وتلقى الردى مردود مثني ومربوعـي


الجادل صدقتي والله

وصح لسانكِ

لله دركِ على هذه الدره
تحياتي وتقديري ،،