وبالصيف حر ولاتظلك مبانيه ،، محلول من روقي قرم صح لسانه

[سعود بن فيصل]

السلام عليكم ورحمة الله وبركاته

وش لونـ com ؟

حبينا نجدد لكم بلغز خفافي .. للمسيميري

يقول فيه :

انشدك عن بيت على طول مأهول
ـــــــــ بيت وحيدٍ ولاش مثله يحاليه


في البرد مايدفي وهو شمخ الطول
ــــــــ وبالصيف حر ولاتظلك مبانيه



فكروا زين وبإنتظار رمعاتكم

[سعود بن فيصل]

ايه ترا ولد ثابت

معفي من الإجابه الله يعطيه العافية

ماخلى ولا لغز الا ذبحه

ماشاء الله ههههههههه

[{ أبوفيصل }]

تسلم لنا على طرح اللغز وصح لسان المسيميري
اختيار جميل ياسعود



جاري التفكير

[{ أبوفيصل }]

اسمح لي ياسعود اعدل الاخطاء الأملائيه

انشدك عن بيتٍ على طول مأهول
ـــــــــ بيتٍ وحيد ولاش مثله يحاليه


في البرد مايدفي وهو شامخ الطول
ــــــــ وبالصيف حر ولاتظلّل مبانيه






بيت القصيد = بيت النمله = عزالله ماهو مظللٍ احد هههه

خليك من هالبيوت ,, وش تقول في

>>> (( بيت المال )) <<<

[سعود بن فيصل]

ارررررحب ياخليجي

وشكراً على المشاركة

ومابه اخطاء املائية
مغير تنوين على كلمة بيت في مطلعها نسيته وشكراً على التعديل يابعدي

بالنسبة للرمعة مااااااااالك لوا

رررحت بعيد هالمرة...

[روقي قرم]

البيت المعمور

[فهيد مقعد الرويس]

وش رايك في بيت العنكبوت

ولاهنت على ايراد هذا اللغز

وصح لسان المسيميري

تحيتي وتقديري

[فهيد مقعد الرويس]

المشاركة الأصلية كتبت بواسطة سعود بن فيصل ارررررحب ياخليجي وشكراً على المشاركة ومابه اخطاء املائية مغير تنوين على كلمة بيت في مطلعها نسيته وشكراً على التعديل يابعدي بالنسبة للرمعة مااااااااالك لوا رررحت بعيد هالمرة...

لافيه اخطاء املائيه ولكن لاضرر

شامخ كتبت شمخ

صح يابوفيصل

تحيتي وتقديري

[سعود بن فيصل]

المشاركة الأصلية كتبت بواسطة فهيد مقعد الرويس لافيه اخطاء املائيه ولكن لاضرر شامخ كتبت شمخ صح يابوفيصل تحيتي وتقديري

اررررررحب وحياك الله

اي والله صحيح توني اتنبه لها

اسعدني تواجدك يابو مقعد

[سعود بن فيصل]

المشاركة الأصلية كتبت بواسطة روقي قرم البيت المعمور

كفووو صح لسانك

عشرة على عشرة