منهـا لبيـب العقـل شــاف العـلايـل

[بنت الهيــــلا]

قصيدة جميله ومعبره وجدتها مهمله القائل فأرجو أن تنال على استحسانكم ويقول فيها ..

[poem=font="simplified arabic,5,burlywood,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black""]



فكرت بالدنيا وبرقت بالحال = وقلبتها ما بين عدل ومايل
جلسـت أفـكـر وأتفـكـر بـالأحـوال= أجـمـع وأفــرق دقـهـا والجـلايـل
في ساعة مـا فيـه مـن حولـي أزوال = إلا أنــا والـنـار تشـعـل شـعـايـل
مركي علـى جـال الجمـر خمسـة ادلال = يقـدح سناهـا مثـل بــرق المخـايـل
وأخذت لي منهـن علـى الكيـف فنجـال = يجلـي همـوم وسـط فكـري تشـايـل
في صحصـح مـا فيـه حاسـد وعـذّال = أهـل القـلـوب المبغـضـات الغـلايـل
في صحصـح يطـرد علـى بيـده الـلال = قفـر خـلا مـا فيـه غيـر الهمـايـل
أخذت أراجـع مـا عرفتـه مـن أمثـال = ماضـي العـلـوم موثـقـات الـدلايـل
لقيـت فـي دنيـاي مـا يزعـج البـال = ممـا يريـب النفـس شفـت الهـوايـل
سنـدت أبرقـى نايـف الرجـم والجـال = وزلـت قـدم رجلـي بجـرف وتهـايـل
وطيتهـا شعـبـان وحــزوم وجـبـال = وسريتهـا مسـرى وصـبـح وقـوايـل
خاويت أنـا ارجـال مـن نـاس ورجـال = ومال الرخـم ماكـر علـى راس طايـل
شفـت الحصانـي تعتلـي روس الأقـذال = والذيـب يمـشـي يتـقـي بالمسـايـل
صـارت علـى الأجـواد هـم وغربـال = فيـهـا تـسـاوت بالفضيـلـه رذايــل
ضاعـت مفاهيـم عريضـات وطــوال = فيهـا اختلـف درب السنـع والوسـايـل
دنيـا غريبـه مـا عرفنـا لـه أشكـال = منهـا لبيـب العقـل شــاف العـلايـل
دنيـا تقلـب بيـن الإقـفـاي وإقـبـال = ضاعـت بهـا الحسبـه بكـل المسايـل
كـل (ن) غـدا للحـق ناقـض وفـتـال = مـن يـوم صـارت هـرج قيـل وقايـل
حتى الكـرم شبـه مـع النـاس بخبـال = والحـق عنـد النـاس عـدلـه تمـايـل
منهـا نشـف حالـي غـدا كنـه اخـلال = هـذي عظامـي تحـت ثوبـي نحـايـل
ما كل مـن يلبـس لـه اعقـال رجـال = ولا كـل عسـاف يعـسـف الأصـايـل
المرجلـه مـا هـي سواليـف دجــال = المرجـلـه جــزم وعــزم وفعـايـل
والشور مـا يؤخـذ مـن عقـول جهـال = والحـق مـا يقـبـل علـيـه البـدايـل
أصد وجهي عـن بعـض شـوف الأنـذال = وأقبـل علـى راعـي الوفـا والجمايـل
ما عـاد لـي رغبـه ولا عنـدي اّمـال = ولانـي مـن اللـي للـردى هـد عايـل
لـي رغبـة وحـدة سجـود بـالاّصـال = أخط لي مسجد وأصلي نفايل

[/poem]

[سعود بن فيصل]

شفت الحصاني تعتلي روس الأقذال

والذيـب يمشـي يتقـي بالمسايـل

الله الله قصيدة روووعة

لاهنتِ اختي

[النجم الأصيل]

نقل جميل

كل التحايا لك

[بنت الهيــــلا]

المشاركة الأصلية كتبت بواسطة دغبوج شفت الحصاني تعتلي روس الأقذال والذيـب يمشـي يتقـي بالمسايـل الله الله قصيدة روووعة لاهنتِ اختي

ومن قال ما يهون تسلم على المرور الجميل
تقديري ..

[بنت الهيــــلا]

المشاركة الأصلية كتبت بواسطة النجم الأصيل نقل جميل كل التحايا لك

حياك أخوي شاكره لك تواجدك
تحيآتي لك ..

[شويهينة الهيلا]

آنتقآء رَآق كَرقي سموك
نصَ شعِريِ رآقيِ كَ رقيكِ
صَح لسآنَ شآعِرهـآ
وسَلمتِ يميِنك ع آلنقلَ
--- شويهينه الهيلا كآنتَ هُنـآإأ

[بنت الهيــــلا]

ياهلا بالغلآ شويهينه نورتي المتصفح يابعدهم

واشكرك على روعه حضورك وكلماتك العذبه

لاعدم ..

[جان دارك]

سجلي اعجابي بنت الهيلا على ذائقتك الشعرية المتميزة

ودي

[بنت الهيــــلا]

يا مرحبا مليووون و لا يسدون بالكاتبه جان دارك

تسلمين ياقلبووو ..ولاحرمت تواجدك المعطاء

خالص التحايا لشخصك..

[ذبــاح]

نقل مميز ورائع من اجمل القصائد

يعطيك العافيه بنت الهيلا ولاهنتي

ودي وتقديري~