أحد مشاركاتي عام 1426هـ في جريدة الرياض

[{ أبوفيصل }]

[frame="7 70"]
روائــع الشعـــر راح الحــزن ببْداعه = وقــلــــوبنا مغْــلقـــاتٍ مــن غــلايقــها

علـى فـقــــيدٍ نهـــــار يـروح مـلـتاعه = وصــدورنا غــيْبة الغـــالي مـضـايقــها

وداعــتك ياكـــــريم الوجـــه ووْداعه = كــم من قلـوبٍ دعَـت له من عـمـايقـها

انّك الْـ ترحــم دلـيل الخــير لـســناعه = عســـاه في جـــنتك وأطـيب عـبايقــها

يامـا تحـــت راية الله ثبّــت اشـــراعه = قــــاد السـفــينه قــــدّام أول طــلايقـها

ويامــا تَصـداّ لوجيه الشـر واطماعه = يوم البـــلاد اكـثـر العــدوان ضـايقــها

خلاّ الضواري واسود الغاب منصاعه = وخضْر العشوب النوامي في حـدايقها

صـميْدعـاً مانشــد عن سـلّة أوجــاعه = يصبر على مـاتطــيق النفـس طــايقها

قلبه مع الله ويرعى الشعب واوضاعه = ولْخــدمة البيت كان أوّل عشــايقــها

واليـوم للعـهـــد جــــيت أجــــدّد الباعه = لمــلـوكــنا اللـي تشـــرّفنا طــرايقـها

عبدالله اللي سجـــايا الطيب فـ طــباعه = غــلاه بقلــوبنا واقصـــى عمــايقــها

له الــولا والغــلا والسـمــع والطـاعه = والبيعـــه الصـــادقــه حــناّ وثايـقــها

بيعـــة نقــا بالوفــا والطــيب جمّـــاعه = نبراســها الديـن والســنّه حــقـايقــها

واخــوه سلطــان يمـنى الخير وذراعه = امْـجَــنّب الـدار مـن غـــدرة بوايقــها

حـــرٍّ ينومــس وطــنّا طـيـب مطـــلاعه = الله يعـــافـيه مــن عثــرة عــوايـقـها

واختامها مامضــى للعمـر من ســاعه = واعـــداد ماراح مـن دورة دقــايقـها

صـلوا على الهـادي المبعـوث واتباعه = شفــيع الأمـــه لِـيا حـلّــت فــرايقـها[/frame]

ـ ـ ـ خليحي نت ـ ـ ـ

العطـــــااوي

[البارع]

صح لساااانك ياخليجي نت ... والله يرحم الفهد ...

ولكن ارجو منك ياخليجي نت بماان القصيده في راس هرم الدوله الملك فهد رحمه الله ان

تكتب اسمك الحقيقي لتحفظ لك ......... تقبل تحياتي ..

[اخر رجل]

كفو يالعطاوى
صح لسانك وذوقك المميز وبيض اللة وجهك ولاهنت يالذيب
ماهي غريبة عليكم انتم اهل القول والفعل ونعم واللة
تحياتي لك

[{ أبوفيصل }]

صـــح بدنك

القصيدة محفوظه بأسمي واحتفظت بنسخة من مطبوعات جريدة الرياض ذلك الوقت

لايهمك حافظهاا قبل ماتُنشر فأقصى ضلعن من ضلوعي

وغيرهاا الكثير وابشرو بالمزيد من قديم ومن جديد

شاكرلك اهتمامك اخي البارع وأحيّيك على مرورك الكريم

تحيتي موده وتقدير

[{ أبوفيصل }]

صح بدنك

يا اَخر رجل ,, ماعليكم زود يالسناعيس

هذا من طيبك وطيب ذوقك لاهنت ولاهان مغليك

تحيتي لك تحية محبه وتقدير

[نواف الشيباني]

لا هنت وصح السانك واعتلى شانك وافي على هالقصيده ... تقبل مروري

[شويهينة الهيلا]

الله الله
ياسلام
قصيده جزله من راس جزل
صح لسانك مليون ولا يكفون

[فهيد مقعد الرويس]

الله اما اصلي على نبينا وسلم

ابدعت ياخليجي نت

صح لسانك مدد

تحيتي وتقديري

[{ أبوفيصل }]

نواف الشيباني
صح بدنك يابن مشيب

ودي واحترامي

[{ أبوفيصل }]

المشاركة الأصلية كتبت بواسطة شويهينة الهيلا الله الله ياسلام قصيده جزله من راس جزل صح لسانك مليون ولا يكفون

صح بدنـكـِ أختي الشاعرة الرائعه شويهينة الهيلا
يعطيكـِ العافيه على هذا الأطراء الجميل
تحيتي