دعــث النــوازي

[متعب بن طواله]

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياماحلا تقليط صفر المباهير= في خايعٍ شوفك سرح في رحابه

دعث النوازي مخفيات المخامير=تغنيك عن جرد الفجاج وصلابه

وذودٍ الياغنى المغني طوابير=كفيخ صيدٍ يوم طق الغرابه

صفرن كما دلم المزون المزابير= صوت الرعد يزجر عليها وجابه

لاروحت كنه سرايا المغاوير=اللي عماره يجلبونه جلابه

لاهوبل الراعي تتالى مقاطير=مثل القطار اللي تبع من سرابه

رثمٍ خراطيمه تدلي قواطير= كنه مسابيح العجم بالطلابه

جمالهن كنه جمال الغنادير=اللي يقلدن الغتر والعصابه

واليا لفى الرواد معه التباشير=يذكر من الوسمي تقل نبت غابه

ماطبته كود القطا والعصافير=من بعدها راع الغنم ماوطابه

نبته سمك يومي بكل النوواوير=روادها من طول نبته غدابه

الصبح زاعن والتوالي مصاغير=تناهبو بعض الحوايج نهابه

يطون بعيد الدار طي الحوادير= لاطالة الفرجه وطرّف زهابه

جلٍ تطارد مع خطات المحادير= قامت تكاهز مثل جلد السحابه

قدامها يبنى المسوبع كما النير=حيدٍ يهاوزن الرمك في طنابه

في ربعته ريف العرب والخطاطير=شيخٍ يفتّل للمهابه شنابه

ماكنه الا عنتر الخيل والزير=اخذ من الضرغام شكل ومهابه

يمه تعكى فوق عكف البواكير= مدهال شكلين العرب والقرابه

على هواءالشقحاء يسوق الدنانير=يومه يروح مفرعٍ مادرابه

همه الياهوبل وصارن دعاثير= كن احتياطي البلد في حسابه

ساس الشريف ومصقر العز وامير=تزبن عليه بشدتك وتهقابه

[/poem]

[إبن ثعلي]

صح السانك يامتعب بن طواله ولاهنت على اتحافنا بهذه القصيدة الرائعه
وتحياتي لك

[اخر رجل]

صح لسانك يالبناخي ولاهنت على هالقصيدة الاكثرمن رائعة
ابداع وفن وحكم وتماثيل صعبة على الشعار بنقلها في صورة مثل كذا
تحياتي لك ولابداعك الجميل

[النجم الأصيل]

صح لسانكـ يابن طواله وبيض الله وجهكـ

ودي لشخصكـ الكريم

[نواف الشيباني]

الله الله عليك يابن طواله كتبت فأجدت صح لسانك ولاهنت ... تقبل مروري ,,,

[{ أبوفيصل }]

يامــاحلا تقليـط صفــر المباهيـر ** في خايعٍ شوفك سرح في رحــابـه
دعث النوازي مخفيات المخاميـر ** تغنيك عن جرد الفجــاج وصـلابـه



في ربعته ريف العرب والخطاطير ** شيـــخٍ يفتّـل للمهـــابـه شنـابه
ماكـنه الا عنتـر الخيـــل والزيـــر ** اخذ من الضرغام شكل ومهابه

صح لســـــــــــــــــانك وعلاااا شانك
يامتعب

[الأمير الفارس]

أبداع وتميز صح لسانك يا

بن طواله

شكراً لكـ

تحياتي

[نايف تراحيب]

صح لسسسآنك يابن طواله

ابيات لن يأتي بها الا شاعر متمكن مثلك


احترامي وتقديري

[فهيد مقعد الرويس]

صح لسانك

وعتلاشانك

يامتعب

تقبل اطيب تحيه

[عبدالله المرشدي]

متعب طواله

صح لسانك وعلى شانك

نص فاااخر

تحيتي