" مطانيخ السطر " !!

[محمد العريــدي]

[align=center]



-

-


تشرّفت بـ دعوة من ابناء قبيلتي بالمُشاركة في حفل تخرّج افراد الأمن العام من ابناء قبيلة عتيبه .. إليكم قصيدة المُشاركة التي أتمنى أن تنال الرضى وترقى لـ سمو اذواقكم




[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا هاجسي من دون ربعي والله إن مالك عذر = هات البيوت اللي عليها العلم ما أحد ٍ قالها

شاعر ولا عندي ياكود الأ البيوت اللي تسر = يطيب لي ترتيبها .. ويطيب لي موالها

شايش من البارح ومتحمّس من أذان العصر = أردد ابياتي و أزكرت غترتي و عقالها

كله لأجل شوفة بني عمّي مطانيخ السطر = اللي ينومس في العرب تاريخها و أفعالها

حي الرجال اللي لها تاريخ يُنحت من حجر = اللي على البيداء مثل ضلعانها وجبالها

رمز الفخر من خلقة الدنيا وهم رمز الفخر = روس العرب و اسيادها و زحولها و أبطالها

أهل الفعول اللي تسر العين لا شان الدهر = و احظ منهو في ذرى العتبان حاز ظلالها

في ماقف ٍ ضاقت به الدبره و ضاق به الصدر = من غير ربعي في الأمور الكايده حلالها

دايم على فعل الوفاء والطيب مافيهم صبر = نالوا مكانه في علو المَجدْ ما أحد ٍ نالها

اهل المواقف يوم بقعاء وقتها ادهى و آمر = تاقف عتيبه والثقايل ترتكي لـ أحمالها

و اهل العطايا كنهم وبل السحاب المنهمر = عز الله إنهم لا عطوا ما حسبّوا لريالها

و أهل الصحون اللي من الأنعام مزبوره زبر = العاده اللي ياعسى تبطي وهي في حالها

متوارثين المرجله والطيب معهم له مقر = الورع يكفي في المواقف عن وقوف رجالها

هم كاسبين الأوّله واهل الجمايل والذكر = كل العلوم الغانمه ترقى بها و ترقى لها

يا تاج راسي مدحكم ما ينتوّفى بالشعر = لو تنكتب كل الحروف الوانها و آشكالها

وختامها يا عزوتي من دونكم مالي عذر = سيّرت رجليني وخليت العرب في حالها [/poem][/align]

[روقي قرم]

يامرحبا يامرحبا

صح لسانك مدد لاعدد

دام منطوقك

كتبت وأجزلت

وافي يالبناخي

إلى الامام وبحفظ الالـه

[نايف تراحيب]

بيض الله وجهك يامحمد

وصح لسسسآنك


ولله درك


استمتعت بهذه الجزله والكايفه


سجل اعجابي


،



/

[البارع]

الله عليك يامحمد على هالكايفه عز الله انك كفو وابياتك واااافيه ... وعتيبه تستاهل ولاتهون باقي

القبايل ..... تقبل اعجابي ,,,,

[رشة قلم]

صح لسانك محمد
وتستاهل عتيبه
دمت على الخير

[سميحان الشمري]

بيض الله وجهك يامحمد

وصح لسسسآنك

[فهيد مقعد الرويس]

حجز لترحيب

ولافض فوك يامحمد

هذا القصيد اللي ينومس

ولي عوده بأذن الله

[اصايل]

كفو والله يالعريدي



صح لسانك مدد


لاهنت اخوي ..

[محمد العريــدي]

المشاركة الأصلية كتبت بواسطة روقي قرم يامرحبا يامرحبا صح لسانك مدد لاعدد دام منطوقك كتبت وأجزلت وافي يالبناخي إلى الامام وبحفظ الالـه

البقا يا خال / وصح بدنك .. والله لا يهينك على مرورك

[فهيد مقعد الرويس]

شاعرنا الرائع

محمد العريدي

صح والله لسانك

وبيض الله وجهك

على هذه الرائعه

تقبل اطيب تحيه