قصيدة البرتقاله لفيصل بن طواله ومجاراتي لها

[جزاء العتيبي]

بسم الله الرحمن الرحيم
يشرفني مشاركتكم في هذا القسم وسوف اقدم لكم قصيدة البرتقاله لشاعر فيصل بن طواله ومجارتي لها

يقول فيصل بن طواله

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]


وش يضـر (( البُرتقالـه )) والرجاجيـل ,, القشـور= مابـقـى رجــال فيـنـا .. ماسـمـع باالبُرتقـالـه
بــس مافيـنـا ولا رجــال ناظـرهـا .. غـيـور=والدليل : (( أبو البنيّه )) من يجـي فينـا .. بدالـه..؟؟
ليه (( يابنت العراق , الماجـده )) هـذا السفـور ..؟؟=هل كذا (( حُرية الشعـب العراقـي )) وإحتلالـه..؟؟
من سلب منـك الإراده واغتصـب فيـك الشعـور..؟؟=الحيـا .. فينـا (( مـن الله )) وش أدوات إغتيالـه..؟؟
هل صحيح إنك (( بعشـره )) ياصبيـه .. للبـزور..؟؟=هكذا قرأت في (( إحدى الصحف )) تِلـك المقالـه..!!
أطربينـا ياحزينـه .. وإبعثـي فيـنـا .. الـسـرور=ارقصـي لأحـزان شعبـك ,, واطربيـنـا للثمـالـه
ياجميلـه .. وش أشاهـد فيـك أثنـاء الظـهـور..؟؟=وجهـك الطاهـر تشـوّه مـن (( تخاذلنـا )) جمالـه
هــزي الإيـمـان فيـنـا ,, ياموْلِـيـة الـدبــور=واقـع الأمـه مريـر (( وصمتنـا المُطبـق )) دلالـه
مافهمنـا عاقبـة (( إن حُصّـل مافـي الـصُـدور ))=كيف نفهمها (( يارقاصه )) وأنا .. ويـاك .. دالـه..!!
المصيبـه (( شايـب الرحمـن )) لاشافـك .. يخـور=من طلعتي قام يطرد , عن (( تلفزونه .. عيالـه ))..!!
واجد اللي قالـوا : إركـد .. قلـت : لاوالله .. بأثـور=دامني (( مؤمن )) فأنا ميقـن بـأن عنـدي رسالـه..!!
من يعيش اليـوم ,, باكـر يصبـح مـن أهـل القبـور=والا انا .. كل يوم (( موتي )) أنتظر .. حطة رحاله..!!
جيت أنادي (( للفضيله )) ياعـرب .. بيـن السطـور=والفضيلـه مستحيـل تكـون (( بدعـه أو ضلالـه ))
إنزلـوا (( لاهـل الشـوارع )) يامقيميـن القـصـور=إحتقار (( الفكرالآخر )) يُعتبـر حُمـق ,, وجهالـه..!!
شرقنا الأوسط .. تزامت (( من معاصيـه )) البحـور=إفطنوا (( للشرق الأوسط )) قبل يأذن ,, بإنحلالـه..!!
التّفُحـش زاد فينـا .. وإنتشـر فيـنـا .. الفـجـور=الوعي أصبح جريمـه ,, ونضـرة الواقـع خمالـه..!!
قمت أشوف (( بنِيـوات الديـن )) يربطـن الخصـور=والشباب (( موظفين )) اليـوم فـي بنـد البطالـه..!؟
بعض (( تجـار العروبـه )) للقيـم .. علـة انحـور=البـلاد الينزلوهـا .. بدلـوا (( هَلهـا )) عمـالـه..!!
مايصيـر إن (( الفقـارى )) مايلاقـون .. الفـطـور=والغني مُسرف على (( معزوفة المنكـر )) اريالـه..!!
فـي مثـل هاالشعـر هـذا .. ودك الواحـد حضـور=والله يخلـي لنـا : شـعّـار يـالالـه .. يـالالـه ....
ومن يبي ياطا .. على (( الجُره )) حلالـه .. لايـدور=كاني أزعلتـه بكلمـه هـذا انـا .. كلـي حلالـه ...
لاأنا (( مُصلح سياسي )) ولانـي (( معقّـد أُمـور ))=من قبل مني شكرته ,, ومن رفض مالـي .. ومالـه..؟[/poem]

وســـــلامــــــتــــــكــــــم ,,,












مــجــاراتــي لـــهـــذه الـقـصــيــده





[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ارعـدي يالمدلهـمـه وأمـطـري فــوق القـفـور=باذريـن الارض بقلـوب الرجـال أهــل الشكـالـه
حـالـة القيـعـان والله ماتـسـر مــن الـدهــور=تجـزع المؤمـن ويعـذر مـن دهرهـا مـن حلالـه
سامعيـن اللـي سمعتـه يالاصيـل ابــن النـمـور=مايلومـك يالاصيـل الا الكـديـش ابــن الحثـالـه
جعـل رجـل(ن) دمـه مـن اللـي ذكرتـه مايفـور=يبتـلـيـه الله بعـقـلـه بالـجـنـون وبالخـبـالـه
كـل ماقلتـه صحيـح وشــي عــادي يالصـبـور=لانفـذ صبـرك وهـزة قـوة ايمـانـك (( مقـالـه ))
وش يـضـر الشاذلـيـه والرجاجـيـل الـحـبـور=(( مابقـى رجــال فيـنـا ماسـمـع بالبرتقـالـه ))
ماجـدة نهـر الفـرات ونـهـر دجـلـه فالـشـرور=وبعـض تجـار العروبـه عيشهـم بــذخ وسهـالـه
يسرفـون بشريـهـم للـبـس وغــراش العـطـور=والضعيـف يرّقـع اثويبـه ويـخـرز فــي نعـالـه
والجـويـع اليابـغـى حلـبـت تحالـيـل العـجـور=ترمحـه واليـا دغـرهـا مـاقـدر فــك الشمـالـه
مابقـاء بـه حيـل واصـلا(ن) لـو بيبهلهـا دمــور=ماتثيـب احورهـا لـو شفتهـا ملـحـا(ن) اجـلالـه
والمصيـبـه لويجيـهـا نـايـدن مـنـاك هـــور=افشحـت ثـم احتلبـهـا والجـويـع يشـيـن فـالـه
راس مالـه عزتـه وادلالــه وقـلـب(ن) جـسـور=لـو تسـاق المعضـلات لكسـرتـه مـيـل اعقـالـه
ماتزعزعـه المواقـف يـونـس ابكـبـده احــرور=لاسـأل محـدن نظـر يمـه ولا جــاوب سـوالـه
والـبـلاء والله كـلـه مــن جرابـيـع الجـحـور=تحفـر ايمـن الجـبـل وعيالـهـا تحـفـر شمـالـه
امـة الاسـلام صـارت مـن عثـور(ن) فـي عثـور=يالله انــك تـرفـع الاســلام وتقـيـم الـعـدالـه
وطالبـك يالله (( فيصـل )) يـوم بعثـك والنـشـور=تلطـف ابحالـه وتـكـرم يالـلاهـي فــي سبـالـه [/poem]
وسلامتكم

[فهيد مقعد الرويس]

حجز لترحيب

ولي عوده بأذن الله

[شويهينة الهيلا]

الله الله
صحة السنتكم
وشهادتي فيكم مجروحه

[جزاء العتيبي]

المشاركة الأصلية كتبت بواسطة فهيد الرويس حجز لترحيب ولي عوده بأذن الله

هلابك يافهيد تشرفت بمرورك الكريم


تقبل تحياتي

[رغدالشيباني]

شعراء عمالقه لله دركما

ومجاراه أكثر من رائعه صح لساانك وبدنك

تقديري

[جزاء العتيبي]

شكرا لمرورك اختي شويهينه الكريم

تحياتي

[شيخ الشيوخـ]

صح لسانك ياجزاء

وابدعت في ردك والله يعز الاسلام والمسلمين وغيرتك دليل على رجولتك

بيض الله وجهك والله يرفع قدرك

[جزاء العتيبي]

الاخت الشاعره رغد الشيباني
شكرا لمرورك على متصفحي المتواضع
تحياتي

[جزاء العتيبي]

المشاركة الأصلية كتبت بواسطة شيخ الشيوخـ صح لسانك ياجزاء وابدعت في ردك والله يعز الاسلام والمسلمين وغيرتك دليل على رجولتك بيض الله وجهك والله يرفع قدرك

الاخ شيخ الشيوخ
صح بدنك يالغالي
والله يعطيك العافيه

[عبدالحليم]

الله الله
صحة السنتكم
تحياتي