قــنا د يل الـسـمـاء...................!!!

[متعب بن طواله]

[frame="9 90"]

[poem=font="simplified arabic,7,white,normal,normal" bkcolor="indigo" bkimage="" border="double,10,indigo" type=2 line=0 align=center use=ex num="0,black""]



اخترت من جزل التماثيل طاروق= بسم الله ابدا وابتدي في كلامي

سر ياقلم فوق ابيض الطرس برفوق= واكتب زماليق القصايد شمامي

اودع جد يد الفرخ بالحبر مدقوق= كنه خدود مرودعات الوشامي

طرايفٍ ماخطهااا كل مطفوق= الا ولا تشره عليهااا النعامي

قامت تراجد بالصدر واعتلت فوق= وردن على الخافق سوات الحيامي

كنه عبيد سمعت الطار مطقوق= عبيد زارٍ مثل وصف الهوامي

لولا عروق القلب صارن له سبوق= حلق بلا جنحان وابعد وحامي

العز صبح مثل صدام مشنوق= والليل مايفضح دروب الحرامي

كل العلوم الطيبه مالهااا سوق= صحى الرداء والعز كوك ونامي

عنق الترف فيه الرداء كنه الطوق= واغمدت مصقول الوغا للنشامي

هزال الزنود اللي تهز القناااا بوق= خشاش دوّن في جحور العدامي

لو يجذبن لك ياعذوق القنا ذوق= عن شبعة العله كربت الحزامي

اسود يجي نقع المغاريب مطروق= ما تقبله حتى كبود الظوامي

يصلح لمومي ريشته حيل ويلوق= ومرطٍ تهنوص خرعةٍ بالضلامي

ابي اطرق الفرجه مثل منوي النوق= وابي اكسره حومه سوات القطامي

ماعاد به خالد ولا عاد فاروق= لاحرب حرب ولا سلامٍ سلامي

[/poem]

[/frame]

[نايف تراحيب]

حجز رقم [ 1 ]


ولي عوده



:)




/



،

[الجـآدل]

كل العلـوم الطيبـه مالهـااا سـوق
صحى الرداء والعـز كـوك ونامـي


ياســلااااااااام ..

صح السانك

ولا هنت على القصيدة الجزلة

تحيتي لك

الجــــآدل

[فهيد مقعد الرويس]

صح لسانك

وعتلاشانك

يامتعب

تحيتي وتقديري

[نايف تراحيب]

لله درك يابن طواله


هنا استمتعت بما قرائت


نص اشبه ما يكون كتب بماء الذهب


تقبل احترامي وودي



/



،

[شويهينة الهيلا]

الله الله
صح لسانك حتى ترضى
ابايات راقت لي جدا
وشهادتي فيك مجروحه

[جزاء العتيبي]

الشاعر متعب بن طواله
صح الله لسانك
والله يعطيك العافيه

[متعب بن طواله]

المشاركة الأصلية كتبت بواسطة الجـآدل كل العلـوم الطيبـه مالهـااا سـوق صحى الرداء والعـز كـوك ونامـي ياســلااااااااام .. صح السانك ولا هنت على القصيدة الجزلة تحيتي لك الجــــآدل

هلابك ومرحبااابك الجادل لاهنت طااال عمرك على روعة التواجد والتعليق الجميل
دمتي بكل خير

[متعب بن طواله]

المشاركة الأصلية كتبت بواسطة فهيد الرويس صح لسانك وعتلاشانك يامتعب تحيتي وتقديري

كل الشكر والامتنان لك اخوي الكريم سررت بتواجدك الطيب الله يجمل حالك
وافي الله يحييك دمت بكل خير

[متعب بن طواله]

المشاركة الأصلية كتبت بواسطة نايف تراحيب لله درك يابن طواله هنا استمتعت بما قرائت نص اشبه ما يكون كتب بماء الذهب تقبل احترامي وودي ،

اهلاً وسهلاً بك اخوي الكريم مشكووور على التواجد والتشجيع
دمت بكل خير

/