قصيدة غزلية:
كـل مـاون قلبـي جاوبنـه الضـلـوع
من هنوفٍ سلـب عقلـي هـدب عينهـا
كن في عينهـا وإن ناضرتنـي جمـوع
حفرة المـوت فـي مقـرن حجاجينهـا
جاء نهار الخميس و فات يـوم الربـوع
والوعـد طـاف والاقــدام مشقينـهـا
حفيت اقدامنـا والعيـن تـذرف دمـوع
فرقا الاحبـاب لـو يـو ميـن ياشينهـا
يا مليح الكـلام و يـا حسييـن الطبـوع
صـورةٍ حافـهـا الرحـمـن يازينـهـا
فيك من ضبي نجد اوصاف واحسن رموع
وانتـم اللـي كبـود النـاس كاوينـهـا
ضامر البطن ما مسـة شقـاوه وجـوع
شجرةٍ عـن سمـوم القيـض حامينهـا
فوق جمنٍ قـراح ٍ بيـن ذيـك الـزروع
ليت مـن ذاق مـن خضـرة بساتينهـا
وان لحضني وانا ماشي عن الدرب اتوع
هلـت العـيـن واختـلـت قوانينـهـا
القـدر نزلتنـي حـدر تسعيـن بــوع
تحت هيبتـك نعصـا الـروح و نهينهـا
يعجز اليـوم قلبـي مـن شبكـم يـزوع
شبكـة اللـي مكسـرتـن جناحينـهـا
وهذه القصيدة قالها خارج المملكة وهي تعبر عن نفسها :
أهلي بعيد و ذقت هجر و عواقيـب
يا أكالة الخنزير مانتـم هـلٍ لـي
أهـلٍ محبتكـم دعايـة و أكاذيـب
تتكهنون ان الهـوى صافـيٍ لـي
في محفظتكم فرحتي يـا معازيـب
رسالـةٍ عنوانهـا مـن محـلـي
عطوني اقراها و أوسع لها الجيـب
جيب القميص لحملهـا مـا يملـي
مكتوب يطلع لـي بطيـه مكاتيـب
و لعـل مكتـوب الحبايـب يسلـي
من دمع عيني ما قريتـه بترتيـب
ساعة نشرته قمت أرحب و أهلـي
و أشوف يا مكتوب فيك التعاجيـب
المنشي أصبح ما قطع عبـرةٍ لـي
لكن يا ترحاب و أجمـل تراحيـب
و اللي نقص من شرحكم جايزٍ لـي
لنا يـا دو خالـد عليكـم مطاليـب
أخباركـم باقلامكـم ونسـةٍ لــي
و ان سلت عني مستقيمٍ على طيب
أرعى حقوق الله و أكبر و أصلـي
عن فرض ربي ما أتهاون ولا اغيب
مكـة و أنـا بانجلتـرا قبلـةٍ لـي
في واجب الدنيـا بذلنـا التسابيـب
و خدمة حبيب المملكة غايـةٍ لـي
و عبدالله أرسلنا لكسب و تجاريـب
يبـي رجـالٍ بالعـمـل تستقـلـي
إن ما وفينـا معـه حياتنـا عيـب
أحسن نروح مـع البهايـم نفلـي
وله في الغزل ايضاً :
يا عيد سود العيون استنكـرن منّـي
وشلون ابارجع وارجّع وقتي الماضي
اسأل عن حالهن مـا سائلـن عنّـي
الله يغربـل حيـاةٍ جوّهـا فـاضـي
يا عيد رمح الهوى بالقلب طاعنّـي
والحب يمضي ورمحه بالهوى ماضي
يا عيد حدب الضلوع تصيح وتحنّـي
من عام الأول وانا صابر ومتغاضـي
يا عيد أنا مولـعٍ بصغيـر السنّـي
والحال منّي قضى وأنا بعـد قاضـي
يا عيد لي صاحـبٍ فاتـن وفاتنّـي
ولو مبسمه سمّ قبّلته وانـا راضـي
قصيدة في الابل :
اخذت من روحي لروحي نصايح
ثلاث يرضن النفـوس الضياقـي
جمع الحطب ومعلقـات الذبايـح
وحذف النشامى للغتر والطواقـي
بقفر خلا عشبه بالازهـار فايـح
وغصن الخزامى له بالاخر مراقي
تلقى ام زسالم به تجـر النوايـح
ويطيب مع طير الربيع التلاقـي
بين اربعة جدران مانـي بطايـح
قطع الخرايم جبرت عظمرساقـي
في نون عيني بارق الوسم لايـح
كن السحاب تسل فيـه السناقـي
ان عودوا غب المطـر للفلايـح
مانـي بفـلاح يعـدل سواقـي
عـودت للـي يكسبـن المدايـح
فيهن طرب قلبي ولـذة مذاقـي
سود البكار المكرمـات المنايـح
هذي ضوت خلفه والاخرى ملاقي
ملحا تفاهق بالصميلـي وتمايـح
وتركي على كبد الحسود العَراقي
خلوني اقضي باقي العمر سايـح
مادام للعمـر المطـرف بواقـي
امشي تحت غر المزون الروايح
هذا هواي ورغبتـي واشتياقـي
يرتاح بالي يـوم اوده واصايـح
وابسط فراشي في مبارك نياقـي
انحاش عن ناس تسوي الفضايح
عاشت بسوء اخلاق كذب ونفاقي
ناس تسـرد للمشاكـل شرايـح
تثير من بين الاخـوان الشقاقـي
كل الحياة احلام والعمـر رايـح
طرقي بهالدنيا وغيـري طراقـي
وهذه القصيدة قالها في اوائل عمره :
أول كلامـي مبتـدأ القـاف مضمونـه
قـاف يغنـى مـن صناديـق مامونـه
اختـار زيــن المثـايـل وانتـقـي
ولا احب قاف قد قيـل قدمـي يغنونـه
يقول من عبـر عـن اللـي قـد جـرا
يسمع كـلام النـاس ويشـوف بعيونـه
انـا طلعـت وشفـت مفعـول وقتـي
اعرف عقل صاحيه من عقـل مجنونـه
عمري قدر عشريـن مـا يزيـد زايـد
بحسـاب وافيـن الذمـم مـا يزيدونـه
خمسة عشر منهـا فنـا كنـت جاهـل
داله بعصري ما عرف الوقـت وفنونـه
ما مسنـي حفـه ولا غبـت طـارش
مـع والدينـي دوم بـالـي يـدارونـه
وخمس من العشريـن عقلـي مدلنـي
رجـال وافهـم كـل سلـم يقـدونـه
لعـل نـاس هرجهـم فـي رفيقـهـم
مالهـم عـراوي عنـد رب يعبـدونـه
تقطع عراويهم مـن الـرزق والرجـاء
ويصحي سماهم واشهب الوقت يشكونـه
هـذا جـزا مـن يستعـي بالنميـمـة
اهل النقيلـي طبعهـم مـا يخلـو نـه
تـرى ذهـاب النـاس قيـل وقـايـل
هـرج يجيبونـه وهــرج يـودونـه
لولا الحسد ما غـب واد عـن المطـر
ولا اشهوهب العشب الخضر وانقلب لونه
يقوله اللـي مـا يدانـي هـل الحسـد
ما يحبهم واهـل الحسـد مـا يحبونـه
ونختم بقصيدة غزلية
تجر بشتك وسط لندن وانا اشوف
كنك تمشى وسط سـوق المنامـه
ماتدري ان الدم واضح ومعرووف
عليك مـن دم الخليـج العلامـه
ومن الحيا تلبس عبايـه ونفنـوف
لـكـن ماكملتـهـا باللـثـامـه
يالوف قلبي لوف ً على لوف
لوف العقاب الياانصـرم للحمامـه
جتني تهز الخصر والبطن ملهوف
صدر ٍ وقـد وشايلتهـا الزعامـه
اليا اقبلت يمك دخل قلبك الخـوف
صويبهـا ماينقلـنـه عظـامـه
واخذ الرصيف وعد بميات وولوف
ماشي ومن مرك عطاك ابتسامـه
ينطحك شقح بكار ومهار وخشوف
راع الغـرام وجددتلـه غرامـه
في ديرة في قيضها نلبس الصوف
تنزل رذاريذ المطر مـن غمامـه
فيها المناكر وابشع الفسق مالـوف
ماكـن قافيهـا عـذاب وقيامـه
الشاعر المعروف /
خـلـف ابـن هـــذال الــعـتيبـي
مــــــــــــــــــــــــــنــــــــــــــــــــــ ــقـــــــــــــــــــــــــــــووووول
| 
|
03-14-2010, 10:17 AM
العرض العادي
