أستامني يادارنا

[عادل العصيمي]

السلام عليكم ورحمة الله وبركاته


شيلـــــة هنــــــا


[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
بسم اللـواء وأسـم الكتيبـة والسريـة والفصيـل =نيــابــةٍ عــن قــادة القــــوة وعــن نيّــابهـــا

نـزف باقـات الفـرح في يــوم تحصيل الحصيــل =نفسٍ تخــدم المملكـة تلقــى نظيــر أتعــابهــا

الشعر في بعض المواقف يشبه السيف الصقيل =منـــه المعانــي تنحنـي حتــى تثنـى رقابهــــا

والشاعر اللي ما ذكر داره هـذه شاعــر بخيـــل =لو كـان رايـة شاعـر المليــون راح وجابهـــا

حان الوعد ياهاجسي عطني من القول الجزيـل = ابيات شعــرٍ تطرب الجمهور سـاع أوحابهــا

هـات البيـوت الوافيـة واللـي تناسب كـل جيــل = ما نـي بقايلهـا على الصحــراء ولا مرقابهـــا

بعـدّها عــدّ الجواهـر وأسمـع الجمــع المهيــل =بين الرجـال ووسط ميدان الشرف وأزهابهــا

سلام يا دار الفخــر والمجـد والـورث الأصيــل = يــاقبلــة الأمـــة ويامهبــط عظيـــم كتــابهـــا

سلام ياديــرة هــل العوجـاء مـزبّنــت الدخيــل = ما للوفاء الا وفاء الاصحاب عنــد أصحابهــا

استــامنــي يــادارنا والله علــى قولــي وكيـــل = ولا تهمّــك حيـــةٍ قـــامــت تحــد أنيـــابهـــــا

الحـــاقدين اللـــي يبــون النــار تشعل بالفتيــل = بأمــر الولــي قامت تشب النار وسط ثيابهــا

والزمرة اللي تفتل أشناب الغـدر. صبـرٍ جميـل = لن قاله الله بأمــر أبــو متعب نقص أشنابهــا

يامخبلك ياللــي تعادينــا . تبـــا تـرجــع ذليـــل = ما تـدري ان الدار رب العرش صان ترابهــا

أرواحنا ترخص وغير النصر ما نرضى بديـل = نهـوى الشهـادة والشهـادة جــالهــا طــلابهــا

استامني وأهني وقــرّي عين فاليــوم الفضيــل = رجعــت ابــو خالـد بشايــرها تحـثّ ركابهـــا

ما دام ابو خالد رجع يالله عسى عمره طويــل = كل الأمــور بعين أبــو متعــب تحـل أسبابهــا

القايــد اللــي منجــزاتــه مثــل همّــال المخيــل = يسوقهــا الرحمــن فـي شتى بقــاع اقطابهــا

المملكــة من هيبتـه عــذرى تمشّط فالجــديـــل = لن هب ذعذاع الهــوى قامـت تفوح أطيابهــا

يشـد من أزر الوفـي لن شــاف حملــه ما يميـل = واللــي تميــل حمولهــا تلقــى شديـد عقابهــا

الله يعــــز أخــوان نـــورة طايليــن المستحيــل = آل السعـــود اللــي زعامــات الزمـان تهابهـــا

لن ما حمــانا دارنا بالسيــف من غـدر العميــل = والله مــا نستاهــل انــا نعيش فــوق ترابهــــا[/poem]

[سويلم الخراص]

الله يعز حكومتنا الرشيده ويتم الامن والامان في بلادنا

الشاااااعر القديرعادل العصيمي





صح لسانك على هذه الجزله ياجزل





تقبل اعجابي بما تجلبه افكارك يابن عجلان

دمــــــــــــــــــــت مبــــــــــــــــــــــــــــــــــــــــــــــــ ــــــدع

[دمي عتيبي]

اســتــامــنـــي يــــادارنـــــا والله عــــلـــــى قـــــولـــــي وكـــــيـــــل ... ولا تـــهــــمّــــك حــــــيــــــةٍ قــــــامــــــت تــــــحــــــد أنـــيـــابـــهـــا



صح لسااانك ملااااين شاعرنا ابن عجلااان ...
ابدااااع ابداااع

لاهنت والله

[ابوسـعد]

جميل هذا القول اصبت كبد الحقيقة سلمت ودمت يالغالي وياهلاوغلا بعادل

[فهيد مقعد الرويس]

الله الله

صح لسانك وسلم بنانك

يابودارين

نعم القصيده على الشاعر للوطن واجبه مافيه شك

لاهنت ياعادل

تحيتي وتقديري

[عادل العصيمي]

المشاركة الأصلية كتبت بواسطة سويلم الخراص الله يعز حكومتنا الرشيده ويتم الامن والامان في بلادنا الشاااااعر القديرعادل العصيمي صح لسانك على هذه الجزله ياجزل تقبل اعجابي بما تجلبه افكارك يابن عجلان دمــــــــــــــــــــت مبــــــــــــــــــــــــــــــــــــــــــــــــ ــــــدع

سويلم الخراص


صح بدنك


شكراً لمرورك ولأعجابك طال عمرك


تقديري


,

[عادل العصيمي]

المشاركة الأصلية كتبت بواسطة دمي عتيبي اســتــامــنـــي يــــادارنـــــا والله عــــلـــــى قـــــولـــــي وكـــــيـــــل ... ولا تـــهــــمّــــك حــــــيــــــةٍ قــــــامــــــت تــــــحــــــد أنـــيـــابـــهـــا صح لسااانك ملااااين شاعرنا ابن عجلااان ... ابدااااع ابداااع لاهنت والله

صح بدنك دمي عتيبي


وألف شكر على مرورك


تقديري


,

[شيخ الشيوخـ]

كفو يالعتيبي انت جزل ومايجي منك الا جزل
بيض الله وجهك يابودارين
وانتظرها في المواضيع المميزه ..

[نايف تراحيب]

نص حمآسي مجنون مجنون مجنون


لله درك يابو دراين عز الله انك جزل وبحر وبحرن حآلي بعد

نص راق لي جداً جداً


تقبل اعجآبي وبقوه


/


،



ارق سنود

[عادل العصيمي]

المشاركة الأصلية كتبت بواسطة abosaad جميل هذا القول اصبت كبد الحقيقة سلمت ودمت يالغالي وياهلاوغلا بعادل

ومن قال سالم يابو سعد


لا هنت على مرورك


تقديري


,