ياما وياما قـلت لـيت ولعـله

[جهز الهرس]

يا الله يا اللي عالم ٍ غـيب الايام
.......................يا لواحد اللي كلنا تحت ضله
ياحي يا قيوم يا مدير ألأنسام
..................يارا زق الداب العـمى في مـحله
خيرك يعم ويشمل الخاص والعام
.......................مارده الحا سد بحسده وغـله
الدائم انت وغيرك الخلق مادام
......................ارجوك ترحمني وذ نبي تحـله
راح الشباب اللي مضى مثل ألأحلام
...................الراس شاب وشيب الد قن كـله
مافا دني كثر التمني وألاوهام
........................ياما وياما قـلت لـيت ولعـله
اخطي واصيب و رب الارباب علام
.................نوب الطريق أخطيه واحيان ادله
يارب ترحمني اليا صرت فالخام
....................وكل العـمل محفوظ دقه وجـله
والصحـف جـفن ثم رفع ٍ الاقلام
...................وكل ٍ لقاء ما قد مه في اسجله
من خير واللا شر يلقاه قدام
........................بنعيم واللا في جحيم ٍتمـله
الرابح اللي ما تكاسل ولانام
..................عن فرض ربه دام هو ممهلـله
يقضي حيا ته كلها ذكر وصيام
.......................والمال ما همه بكثره وقـله
يحفظ وصات المصطفى خير الانام
..............ويطلب من الله رحـمته مخلصن له
يا لعبد مهما عشـت بشهور واعوام
.................عن الدار تاترحل وغـيرك يحـله
ما دامت الدنيا لهتلر وصدام
....................اللي انتحر واللي تضحاه شله
والطاغيه فرعون جحاد الانعام
.................غرق ورى موسى ودمعه يهـله
وكسـرى وقيصرعا شـو سنين حكام
....................والكل منهم مات ميـتت مـذله
فكر وميز زين يا نسل الاكرام
....................في وقتك اللي ما صفا دوم لله
تضحكلك الدنيا وتزرع لك الغام
.....................وابليس يوم أطاوعه جايـزله
راجع ضميرك في خطياك ياغلام
.....................لاتصير مثل مزود الطين بـله
للخير خلك دايم الدوم عزام
..............ودرب الخطا والمعصيه عـنك خـله

جــــــــهزمســـــــيميرالعــــــــتيبي

[ميااااح]

راح الشباب اللي مضى مثل ألأحلام
...................................الراس شاب وشيب الـد قـن كلـه


توك شباب يالهرس

صح لسانك وتقبل الله منك

لك مني كل الاحترام

[شيخ الشيوخـ]

لاتصير مثل مزود الطين بله


قصيده تستحق الوقوف إجلالاً لها وبيض الله وجهك يالشاعر العلم على هالقصيده الفاخرة والشهاده في امثالك مجروحه

فأنت وشعرك منهل عذب من مناهل شبكة عتيبة فوجودك مكسب لنا ياجهز..

[عادل العصيمي]

جهز


صح لسانك


قصيدة حكيمة من شاعر أبدع في صياغتها


تقديري


,

[ناصر بن سعدي]

شاعرنا الرائع

جهز الهرس ..


صح لسانك والله يجزاك خير على الموعظة والتذكير ,,


راجع ضميرك في خطياك ياغـلام
لاتصير مثل مـزود الطيـن بلـه
للخير خلـك دايـم الـدوم عـزام
ودرب الخطا والمعصيه عنك خلـه


وتقبل خالص تحياتي ,,

[فهيد مقعد الرويس]

صح لسانك

وعتلاشانك

ياجهز

كلام ثمين

ننتظر ماستجد من روايعك

تحيتي وتقديري

[فواز الحبردى]

بسم الله الرحمن الرحيم


صح لسانك وعلا شانك

نص رائع بيض الله وجهك

تقبل احترامى وتقديرى

دمت بخير وعافيه

[جهز الهرس]

المشاركة الأصلية كتبت بواسطة ميااااح راح الشباب اللي مضى مثل ألأحلام ...................................الراس شاب وشيب الـد قـن كلـه توك شباب يالهرس صح لسانك وتقبل الله منك لك مني كل الاحترام

صح بدنك وتقبل الله من الجميع

شكرا على المرور

[جهز الهرس]

المشاركة الأصلية كتبت بواسطة شيخ الشيوخـ لاتصير مثل مزود الطين بله قصيده تستحق الوقوف إجلالاً لها وبيض الله وجهك يالشاعر العلم على هالقصيده الفاخرة والشهاده في امثالك مجروحه فأنت وشعرك منهل عذب من مناهل شبكة عتيبة فوجودك مكسب لنا ياجهز..

شيخ الشيوخ

المكسب هو ردك وتواجدك معنا

[جهز الهرس]

المشاركة الأصلية كتبت بواسطة عادل العصيمي جهز صح لسانك قصيدة حكيمة من شاعر أبدع في صياغتها تقديري ,

عادل العصيمي

صح بدنك

وشاكر ومقدر لمرورك