انا في حبك الهايم ويدفعني عليـك الشـوق

[عبدالله الاصعر]

[poem=font="simplified arabic,5,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
ولا ياللي سلبت عقول عشّاقـك وكلـك ذوق=انـا داخـل علـى الله لاتعذبنـي وتجفانـي
انا في حبك الهايم ويدفعني عليـك الشـوق=ذبحني حبك ولا فيـه غيـرك واحـد ثانـي
معك قلبي نهبته ثـم خليتـه بـلا معلـوق=هذا والله خطى تاخذ معـك قلبـي وتنسانـي
ترى بين المحبين المحبه يالغضـي برفـوق=ماهي جور وجفى وانته غلاك الصلف عناني
تعنيني وانا خابرك مالك مـن وراي حقـوق=اثر مافيـك رحمـه للـذي عليـك شفقانـي
يابوعين(ن)تشابه عين شيهان بدون سبـوق=وحش من خلقته ماقرنسوه طوال الايمانـي
يابو خدن كما نون سرى ويلوح فيه بـروق=خيال الصيف يسقي كل عرق كان ضميانـي
ولك منطوق مثله ماسمعت من البشر منطوق=ليا اوحيته عطيته وجه من خوف ايتعدانـي
ولك عود(ن)سوات الخيزران ايلين مابه عوق=وجيد(ن)لو تحط به الذهب مانته بخسرانـي
حرام(ن)لوتمشي نصف ساعه بالقدم فالسوق=من ايشوفك يروح وخاطره ماهوب نشطانـي
ولا ياللي سلبت العقل من يـوم كلـك ذوق=انا المجني عليه الطف بحالي وانته الجانـي
[/poem]

[النجم الأصيل]

بيض الله وجهك ياعبدالله قصيدة جميلة

ودي واحترامي

[إبن ثعلي]

ياهلا بك وصح السانك ياعبد الله الاصعر قصيدة لايعلى عليها

[عبدالله الاصعر]

النجم الاصيل صح بدنك مرورك يشرفني تحياتي

[عبدالله الاصعر]

البقاء يابن ثعلي وصح بدنك يالغالي مرورك شرف

تحياتي وتقديري

[عادل العصيمي]

عبدالله


صح لسانك على القصيدة الرائعة


تحياتي


,

[ناصر بن سعدي]

هلا وغلا بالشاعر الجميل القادم بقوة ..

ونسعد بإنضمامك إلى كوكبة نجوم شعراء عتيبة ..

وصح لسانك لين ترضى ياعبدالله بس لاتلحق الدجيما ..

ولاتحرمنا من نزف إبداعك ..

[اصايل]

حياك اخوي


صح لسانك


رائعه

[فهيد مقعد الرويس]

شاعرنا القدير

عبدالله

لايستغرب الابداع من شرواك

وصح لسانك مدد

تحيتي وتقديري

[عبدالله الاصعر]

اشكر جميع من شرفني بمروره الكريم ودي والله احيي كلا باسمه لكن المعذره على القصوريالربع

تقبلو خالص تحياتي وتقديري