بنات اليمامة

[بناخي عتيبة]

[poem=font="arial,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
غرد تراك اليوم في خارج السرب = حلاك يفرق عن بنات اليمامة
حسنك على باق البني يعلن الحرب = من عذرهن كلن تقول السلامة
نور الرياض اللي كسا الشرق والغرب = عذب الكلام اللي ذبحني غرامه
بالليل يجرحني بصده عن الدرب = والصبح يرضي خاطري بابتسامة
عزف على اوتار المحبة وانا طرب = صحا الخفوق اللي غفا من منامه
لا تبتعد عني وانا طالب القرب = واعيش في غربة واذوق الندامة
يا ذا الغضي متى معي يصفي الشرب = واروي عطش روحي بقطر الغمامة[/poem]

[نادر النمر]

ملكي ولي رجعه ان شاء الله


..

[نادر النمر]

بالليـل يجرحنـي بـصـده عــن الــدرب
والصبـح يـرضـي خـاطـري بابتسـامـة

ياسلاااااااااام سلم .. بس يالبناخي اثرك ماتروح بعيد الابتسامه تطيب خاطرك ..

لاكن عزالله صح لسانك قصيده لو بختار اخترت منها ابيات في قمة الجمال .. والقصيده كـ كل روعه ..

كل التقدير

..

[فهيد مقعد الرويس]

في غاية الجمال والروعه

يالبناخي

صح لسانك وجاد بيانك

حبكة شاعر لله درك

تحيتي وتقديري

[شيخ الشيوخـ]

صح لسااااااااااااااااااانك مبدع يالبناخي

وغرد تراك اليوم في خارج السرب

ننتظر المزيد والمزيد يالبناخي وصح لسانك كثر ابداعك

[سويلم الخراص]

شاعر متمكن وصح لسانك

تقبل اعجابي

[بناخي عتيبة]

الأخوة الزملاء : نادر النمر
فهيد الرويس
شيخ الشيوخ
سويلم الخراص

اشكر لكم مروركم الكريم وأعدكم بكل جديد وجميل

[سلطان الشوق]

مبدع يالبناخي صح لسانك

لاهنت