عيدي على فرقاك توي ذبحته

[عبدالله المرشدي]

أخر الجديد عسى ان ينال رضاكم
[poem=font="simplified arabic,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياصاحبي هالحين رقمك مسحته =لاتتصل فيني ولابتصل فيك
خطاك في حقي تراني دمحته=لاعاد ترضيني ولا عاد اراضيك
دم الغلا باسباب صدك سفحته=حتى لو اني كنت اقدرك واغليك
عيدي على فرقاك توي ذبحته=تعال شارك فرحتي كان يمديك
كم مرةٍ باب التسامح فتحته=يومك تصكه كل ماجيت اناديك
اليوم قلبي عن غرامك نصحته=لين اقتنع باللي جنى من مساعيك
اسف اذا سلك المشاعر جرحته=لكنني مضطر بالمثل اجازيك
هذا جوابي في قصيدي شرحته=لاتحسبني عقب هذا مادانيك
لكن صراحه جد رقمك مسحته=ببيع وصلك عقب ماكنت شاريك[/poem]

[نايف تراحيب]

حجز ملكي درجه اولى للقراءه والأستمتآع


1



/



،

[ناصر بن سعدي]

ياسلام عليك يا بو بدر ..


نص فاخر ..


وقصيدة مميزة ..

صح لسانك حتى ترضى ..

كم مرةٍ بـاب التسامـح فتحتـه
يومك تصكه كل ماجيت اناديـك

تقبل إعجابي ..

[ابوسـعد]

نص جميل ومعبر بحق يا ابا بدر صح لسانك يالغالي وياهلاااوغلااااء

[شيخ الشيوخـ]

يامبدع
يامميز


والله انك شاعر المنتدى وتستاهل هاللقب يابو بدر

صح لسانك والله

[عزوتي عتيبه]

شاعرنا عبدالله مرزوق المررشدي


صح لسانك ولاهنت
وانت دايم تتحفنا بالقصائد الجزله ولاهي غريبه عليك يابو مرزوق

ولاهنت ويعطيك الف عافيــه

[نادر النمر]

(( القدير عبدالله المرشدي ))


لكن صراحه جد رقمك مسحتـه
ببيع وصلك عقب ماكنت شاريك

ياسلاااام على الصراحه .. قصيده غاضبه ولاكن بحكمه في التصرف وثقه في النفس ..

صح لسانك ياجزل على هالعذبه الجميله ..

كل التقدير

..

[عادل العصيمي]

اسف اذا سلك المشاعر جرحتـه
لكنني مضطر بالمثـل اجازيـك
هذا جوابي في قصيدي شرحتـه
لاتحسبني عقـب هـذا مادانيـك


ياسلام


عبدالله


صح لسانك على هالعذبة


تقديري


.

[بناخي عتيبة]

كم مرة باب التسامح فتحته
يومك تصكه كل ما جيت اناديك

يا سلام عليك يا المرشدي شاعر جميل
تقبل مروري المتواضع على متصفحكم الجميل

اخوك بناخي عتيبة

[سويلم الخراص]

ابو بدر عساه جديد(ن) ماينقطع طاريه

وصح لسانك يابن مرشد لييييييييين ترضى

اعجابي