مطوع وراعي قنص...

[خيّال الهيلا]

السلام عليكم ورحمة الله.. ياطويلين الاعمار إن شاءالله..


قديمه يوم الجيران يعتبرون اهل بيت واللي ناقصه شي جميعهم يفزعون له وكانهم عايله واحده ولاكثر النفاق ولاكثر الدجل وفيه شي عندهم ممنوع ومحرم واللي يفعله منبوذ من بينهم اللي هو نقل الحكي السئ.



فيه اثنين اخوان يتاما .. القراء توفى والدهم وايضاء والدتهم واحد عمره 16 والثاني14 سنه ويوجد لهم بيت طين وكان مقابل البيت مسجد وكان صغار سن ولايعرفون يصلحون لنفسهم اكل وكان تشرف عليهم خالتلهم باقصاء القريه حتى كبرو العيال وصارو يعرفون كل امور الحياة ..



صار الكبير مطوع في المسجد يصلي بالناس ويرشدهم ويصليبهم وقت رمضان القيام وصار شيخ مايقولون له الا ياشيخ فلان



والثاني صار راعي قنص وهواوي وشاعر اكيد هالحين تركزون مع راعي القنص ..
وكل يوم يروح يم الصيد ويصيد مقسوم الله ويمر خالته وينزل عندها احد الصيدات وخالته له بنت من سنه وهو يحب بنت الخاله بدون مايعلمها ..
وهي كذلك بدون ان تعلمه فقط بالنظرات وبعد مروره على الخاله يروح يم بيتهم ويسوي عشاء اخوه اللي هو الشيخ ويجى اخوه يتعشا هو وياء اخوه سويا ..



يوم جاء هاك اليوم وسواء العشاء وجا الشيخ وتعشو قال الشيخ طلبتك ياخوي قال انت اخوي واكبر مني وشيخنا انت تامر امر



قال انا ان شالله ابحج وبيك تصلي بالجماعه قال ابشر يمار هذا شاعر وهواوي وراعي قنص قال ان شالله مانا اللي على خير ابي التزم بالمسجد حتى يرجع الشيخ واللا القنص واللي معه ماقدر اخليها



وصارله حوالي شهر مامر على خالته قالت البنت يمه فلان صارله وقت ماجانا اخاف صارله خلاف روحي اسئلي عنه راحت الخاله وسئلت عنه قالو الرجال امام المسجد ولامعه وقت رجعت الخاله يوم تطمنت عليه وقالت لبنته فلان امام المسجد ومشغول !
قالت البنت لا ماهو صحيح ابي اروح بنفسي واتأكد راحت وقت صلاة العصر..



وهي تجي يم المسجد تبي تشوفه هو الامام او لا وتهايقه من عند الباب يمار يقيم الصلاة وهو يشوفه وهي تكشف الغشوة عن وجهه تبيه يعرفها


وقال:
[poem=font="simplified arabic,5,green,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اناشهدنك من الخلق مالك وصوف=وانا اشهدنك لعاشقك ماتروفي
واللي خلفي كلهم خمسه صفوف=غلاك بقلبي يالهنوف العروفي[/poem]



وهو يكبر وصلي يوم سلم قاله واحدن يفلان صلاتك اليوم مامثله ..
وشلون الحديث اللي انت قلت مع الاقامه قال لا لا لا هذا حديث ضعيف واتركه


وسلامتكم..

[ناصر بن سعدي]

ههههههههههه
وأنت سالم وغانم

وواضح أنه سالفة شمالي وإنهم من أهل الشمال ..

وقصة رائعة .. بس كيف شافها الإمام والباقين ماشافوها ..؟


وبالتوفيق لك إخوي : خيال الهيلا ..

[خيّال الهيلا]

عساك ماتسوي مثله يابن سعدي ..
والله مدري عنه بس هو يمكن انتبه لها لأنه يعرفها ..
بس خطير جاب بيتين على مكرفون المسجد..

[شيخ الشيوخـ]

مع الطاقه اللي عند الامام يابن سعدي
<< يرقع لخيال


لاهنت ياخيال الهيلا على السالفة

[نايف تراحيب]

هههههههههههههههههههههه


انا اشهد انه ماقصر وقال اللي في خاطره

/


،

كل الود

[خيّال الهيلا]

شيخ الشيوخ .. الظاهر انت الأمام؟

[شيخ الشيوخـ]

ايه ياخيال
بس انا الامام اللي راح الحج وخلاك تصلي بهم

[خيّال الهيلا]

آي والله يانايف العتيبي المهم فضفض اللي بخاطره وطلع مشاعره
شاكرلك يالغالي ...

[خيّال الهيلا]

المشاركة الأصلية كتبت بواسطة شيخـ الشيوخ ايه ياخيال بس انا الامام اللي راح الحج وخلاك تصلي بهم

بس انا لاني شاعر ولاني راعي قنص فتأكد زين من عينته : )

[شموخ النايفات]

عندي القصه صوت تبوني ارفعها لكم<<-- تشاوركم من الكسل^_^

بصووت أحلى وحدها فله وتوسع الصدر

خيال الهيلا قواكــ الله