وش فيك ياعادل

[عادل العصيمي]

[align=center]بسم الله الرحمن الرحيم



كل عام وأنتم بخير



صوتيــــة


[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"]
وش فيك ياعادل لك أيام مهموم = تبعد عن أصحابك وتجلس لحالك
ولن كثرة همومك تكثّر من النوم = علّه يخفف شي من ضيق بالك
ومنوّل الضحكة على مبسمك دوم = والفرفشة تنعدّ بأول خصالك
وش غير الأحوال بين أمس واليوم = حتى البشر قاموا بتشخيص حالك
هو حب غارق به ولا تقدر تعوم = أجبرك ترفع مع يمينك شمالك
لأنته بلا معطا ولأنته بمحروم = واللي جرى لأبن الملّوح جرالك
والا مواري عشق ما هو بمقسوم = عيّا عليه الوقت ما هو بفالك
عشـّمك وقتك وأنتشت فوقك حلوم = خلاك تحلم ثم فرّق خيالك
والا إن حظك طاح ما يقدر يقوم = جفاك شخصٍ مكرمه في وصالك
رجعت من ميدان الأحباب مهزوم = خسرت منهو كان لك راس مالك
يا عادل الإنسان فالوقت محكوم = ما طال خلق الله من الناس طالك
أعرف وش اللي في ضميرك ومفهوم = وأبا أعتبر نفسي مخوّل بدالك
الشعر له ضيقة على الخافق تحوم = بالمختصر هذي إجابة سؤالك[/poem][/align]

[اصايل]

الله الله


صح لسانك مليوووووووون ولايسدون


وصح صوتك ياخوي



لاهنت

[ناصر بن سعدي]

حجز لـ السؤال عن حال عادل ..؟

وقرءاة جديده ..

[عزوتي عتيبه]

اخوي عادل العصيمي

صح لسانك على هالقصيده الجزله

وكعادتك دائما مبدع وجزل وشهاادتي فيك مجروحه ولاهنت

[乂صـواعب乂]

اخوي عادل العصيمي

صح لسانك

ويعطيك العافيه ،،

والله يبعد الضيق والهم عنك وعن كل مسلم

دمت بخير..

[عبدالله المرشدي]

صح لسانك ياعادل


وعلى شانك

دايم متميز

تحيتي لك

[عادل العصيمي]

المشاركة الأصلية كتبت بواسطة اصايل الله الله صح لسانك مليوووووووون ولايسدون وصح صوتك ياخوي لاهنت

أصايل


صح بدنك ولا هنتي على مرورك العطر


تقديري


.

[عادل العصيمي]

المشاركة الأصلية كتبت بواسطة ناصر بن سعدي حجز لـ السؤال عن حال عادل ..؟ وقرءاة جديده ..

ناصر


تنشد عن الحال هذا هو الحال :)


والبيت الأخير مطمئن


لا هنت


.

[فهيد مقعد الرويس]

المشاركة الأصلية كتبت بواسطة عادل العصيمي [align=center]بسم الله الرحمن الرحيم كل عام وأنتم بخير صوتيــــة [poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"] وش فيك ياعادل لك أيام مهموم = تبعد عن أصحابك وتجلس لحالك ولن كثرة همومك تكثّر من النوم = علّه يخفف شي من ضيق بالك ومنوّل الضحكة على مبسمك دوم = والفرفشة تنعدّ بأول خصالك وش غير الأحوال بين أمس واليوم = حتى البشر قاموا بتشخيص حالك هو حب غارق به ولا تقدر تعوم = أجبرك ترفع مع يمينك شمالك لأنته بلا معطا ولأنته بمحروم = واللي جرى لأبن الملّوح جرالك والا مواري عشق ما هو بمقسوم = عيّا عليه الوقت ما هو بفالك عشـّمك وقتك وأنتشت فوقك حلوم = خلاك تحلم ثم فرّق خيالك والا إن حظك طاح ما يقدر يقوم = جفاك شخصٍ مكرمه في وصالك رجعت من ميدان الأحباب مهزوم = خسرت منهو كان لك راس مالك يا عادل الإنسان فالوقت محكوم = ما طال خلق الله من الناس طالك أعرف وش اللي في ضميرك ومفهوم = وأبا أعتبر نفسي مخوّل بدالك الشعر له ضيقة على الخافق تحوم = بالمختصر هذي إجابة سؤالك[/poem][/align]

صح لسانك

وعتلاشانك

ياعادل

وكل عام وانت بخير

تقبل اطيب تحيه

[غزال الرافدين]

رائعه جدا

سجل أعجابي أكثر من رائعه

تحياتي لك