اقفت تكلم نفسها بس بسكات

[وجودك يكفي]

تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات


منقووووول

[دمي عتيبي]

ياسلااااام روووعهـ

قصيده جميله .. وكلماتها معبرهـ جدا

لاهنت اخوي ع النقل الرااائع


تسلم

[وجودك يكفي]

دمي عتيبي
لآ هنتي على المرور العذب واسعدني وجودك


ودي واحترامي

[حورية نجد]

صح لسانك ياولد ثابت...وسلمت على النقل



خذ من ولد ثابت شهاده وتحصيل ...
تحياتي

[ناصر بن سعدي]

ياليتنا ما إلتقينا صدق :(


لاهنت إخــوي ولد ثابت ..


امشي واردد ليتنا ماالتقينا
وش جابها عقب السنين الطويلات

بس مدري من قولك أم منقولك ..؟


أنتظرك ..

[وجودك يكفي]

لاهنتي وشرفي مرورك واسعدني وجودك ياحورية نجد

لك ودي واحترامي ودمتي بخير يالغاليه

[وجودك يكفي]

هلابك اخوي ناصر بن سعدي وشرفني مرورك العذب واسعدني وجودك المميز

القصيدة منقوله

احترامي وتقديري لك يالغالي

[اصايل]

صح نقلك


لاهنت

[وجودك يكفي]

شرفني مرورك يا اصايل واسعدني وجودك

ودي واحترامي ودمتي كماتحبين

[نظره خجوله]

امشي واردد ليتنا ماالتقينا = وش جابها عقب السنين الطويلات

/


رائعه ..شكرا لك..