[frame="7 80"]القـوافـي راحـلـة والـلـيـل وهـمـومـي ثـقــال
والـدروب اللـي بقلبـي مــا حسـبـت حسابـهـا
تنتفض فيني المشاعر والشعر لـي بـه مجـال
وادري إنــي مــا بنوخـهـا الـيـن اسـلـى بـهـا
خل بعـض اللـي يحطـون الغتـر فـوق العقـال
مــا يشيـلـون المـرايـه مــن عـلــى دولابـهــا
والله إن الحق في ذا الوقت ضرب من الخيال
لاكـــن الـنـفـس الكـريـمـة مـاتـكـشـر نـابـهــا
الجبـال اللـي نحتهـا الريـح تبقـى هـي جـبـال
والـطـيـور الـلــي عـلــى مرقـابـهـا ترقـابـهـا
صاحبـي ماجيـت أذم أهـل المـكـر والإحتـيـال
الــكــلاب الـمـيـتـه مــحــدٍ يــقــص أذنـابـهــا
بـــس مـــادام الحـقـايـق مــاتــودي لـلـكـمـال
خلـنـي الـعـب عليـهـا واسـتـفـز أعصـابـهـا!!
الـنـعـام الـلــي خـذتــه العنـجـهـيـة لـلـطــوال
ماستـرهـا الله وهــي تطـمـن بـطـول رقابـهـا
والله إن ابـــوي سلـمـنـي مـفـاتـيـح الـقـفــال
وقـال حـكّـم كــل هـرجـه قـبـل فـتـح أبوابـهـا
الرجـل لاصـار لـه بيـن العـرب عـلـم ومـقـال
مايـلـبّـس هــرجــة الـعـاقــل بـغـيــر ثـيـابـهـا
بعض نـاس إن جيتهـم متأمـل علـوم الرجـال
ماتشوف من المراجـل غيـر شـوف أشنابهـا
لايـغـرك لاحـمـس بـنـه مـــع صـفــر الـــدلال
والله إنــه مـاعــرف حـتــى يـكـيـل نصـابـهـا
ميـر خلـه لاتجيلـه مــن يمـيـن ومــن شـمـال
والـعـلــوم الـسـافـلـه مــحــدٍ يــبــي قِـلاّبـهــا
خلـهـا تبـطـي مـــدام إن الـعـنـب والبـرتـقـال
كـلـهـا لاحـنـضـلـت مــحــدٍ يــــذوق لـعـابـهـا
قـلـت والله يايـبـه مـاحـدّب ظـهــور الـجـمـال
غيـر مــن يجـهـل بـهـا ويـقـول أنــا ركّابـهـا
والله إنـا قـد سمعـنـا عــن أبــو زيــد الـهـلال
بــس مـاكـل الصـقـور تصـيـد مــن مخلابـهـا
يالقـوافـي أدري إنــه أتعـبـك حـمـل الـرحــال
جاتنـي حـمـى السجـيـة جابـهـا الـلـي جابـهـا
بــس لاهـنـتـي مـدامــك ماتشـيـلـي إلا ثـقــال
يـوم أنـا مـاكـون أحـسّـب لـلـدروب حسابـهـا
منقوووووووول[/frame]
| 
|
10-02-2005, 02:42 PM
العرض العادي
