قصيدتي : من يوم ماغاب النجم

[الزعيم الهلالي]

السلام عليكم ورحمة الله وبركاته

اطرح بين ايديكم هذه القصيده واتمنى بأن تنال استحسانكم

[poem=font="traditional arabic,5,black,bold,italic" bkcolor="sienna" bkimage="backgrounds/23.gif" border="solid,4,darkblue" type=1 line=1 align=center use=sp num="0,black""]
المهره اللي ما تشرف ياسعد خيالها = لا بارك الله في مواطيها ولا اكتافها
المهره اللي كل ماقدمت ما يحلا لها = اخيرالك ياصاحبي تنسا حسين اوصافها
الناقه اللي عاجزه تشيل نصف احمالها = الوقت غيرها وحرول ياسعد اطرافها
الديره اللي مايونس يافتى منزالها = اترك منازلها خليه لو لمع كشافها
الَابه اللي ماتنومسها فعول رجالها = سواة بندق يالعتتيبي ماتصيب اهدافها
انته وانا من لابة(ن)تشهدلها أفعالها = ثبيت اساس عتيبه الهيلا محد(ن)طافها
الَابه اللي كلبونا تحت ظل ظلالها = وكل الصفات الطيبه اشكالها واصنافها
الله يرحم الحكيم اللي يفك حبالها = الشيخ ابو ضاوي فعوله كل واحد شافها
شيخ(ن)سديد الراي والكلمه ليا من قالها = تعدل جبال المملكه وهضابها وأريافها
ابو عتابه صحبته تسوى دول لحالها = كل العلوم الحاكمه جالس على مشرافها
جثماه تحت الارض ووصوفه فوق رمالها = ماغاب ذكر الشيخ كم يد(ن)ضعيفه رافها
من يوم ماودع ديار السيل غاب هلالها = من يوم ماغاب النجم النور غاب وعافها
الله يرحم الفقيد اللي ترك اجبالها = ويسقيك ياقرن المنازل من حسين اوصافها[/poem]

ش.م. / مصلح منصور الثبيتي

[خيّال الهيلا]

الله الله صح لسانك يالمهندس مصلح .. جزالة يالجزل ..
قصيده وافيه من ايد مانعدمها ..
شكرا كل الشكر لك



....

[شيخ الشيوخـ]

المهره اللي كل ماقدمت ما يحلا لها

اخيرالك ياصاحبي تنسا حسين اوصافها

صح لسانك على هالبيت

[صقـر عتيبـة]

صح السانك يا ولد العم قصيده جزله من رجل جزل

الله يرحم الشيخ / نجم بن جابر الثبيتي ( أبوعتيبة )

أبدعت يا أخوي وننتظر جديدك لك تحياااتي

صقر عتيبة

[ضيف الله السميري]

صح لسانك


يازعيم



تقبل ودي

[فهيد مقعد الرويس]

صح لسانك

يامصلح

تحيتي وتقديري

[عواض بن سالم]

اخوي الزعيم


حنا هنا كلنا اخوان وعيال عم

ونمون على بعضنا

الرجا منك ان تتعب على قصائدك اكثر وتشاور بها قبل النشر

وهذاماهو عيب

بصراحه عندك افكار جميلة تحتاج الى القليل من التريث وشاور الشعراء ولا تنظر للمطبلين

عموما الله يعطيك العافية ويوفقك

شكراا لسعة صدرك